Author: નોબત સમાચાર
સલાયામાં જાલારામ જયંતીની ભવ્ય ઉજવણી
ધ્વજારોહણ, શોભાયાત્રા, મહાઆરતી, સમૂહ ભોજન
સલાયા તા.૩૦: સલાયામાં ૨૨૬મી જલારામ જયંતીની ભવ્ય રીતે ઉજવણી કરાઈ હતી. જેમાં સ્થાનિક અગ્રણીઓ તથા એસપી, ડીવાયએસપી સહિતના અધિકારીઓએ હાજરી આપી હતી.
સલાયામાં ૨૨૬ મી જલારામ જયંતીની ભવ્ય રીતે ઉજવણી કરાઈ હતી. જેમાં વહેલી સવારથી જલારામ મંદિરે મહાઆરતી તેમજ ધ્વજારોહણ કરવામાં આવ્યું હતું. જેમાં પૂજન વિપુલભાઈ સાયાણી, દેવેન્દ્રસિંહ જાડેજા દ્વારા કરવામાં આવ્યું હતું. તે પછી વાજતે ગાજતે શોભાયાત્રા નીકળી હતી.
લોહાણા મહાજન વાડીમાં બપોરે સમસ્ત હિન્દુ સમાજનું સમૂહ ભોજનનું આયોજન કરવામાં આવ્યું હતું. જેમાં મોટી સંખ્યામાં ભક્તોએ પ્રસાદી લીધી હતી. આ ધાર્મિક પ્રસંગમાં દેવભૂમિ દ્વારકા જિલ્લાના એસપી જયરાજસિંહ વાળા તેમજ ડીવાયએસપી વિસ્મય માનસેતા, ખંભાળિયા નગર પાલિકા પ્રમુખ રચનાબેન મોટાણી, મોહિતભાઈ મોટાણી, રઘુવંશી અગ્રણી અને નગરપાલિકા ખંભાળિયાના પૂર્વ ઉપપ્રમુખ જગુભાઈ રાયચુરા, શહેર ભાજપ પ્રમુખ ખંભાળિયા મિલન કિરતસાતા, ભાજપ અગ્રણી ઇન્દ્રજીતિસંહ પરમાર, અશોકભાઈ કાનાણી, અજીતભાઈ કિરત સાતા, જામનગરના રિટેલ વેપારી મહામંડળ પ્રમુખ શશીકાંતભાઈ મશરૂ અન્ય મહાનુભાવો તેમજ મોટી સંખ્યામાં નગરજનો ઉપસ્થિત રહ્યા હતાં.
સલાયા લોહાણા મહાજન પ્રમુખ ભરતભાઇ લાલ, ઉપપ્રમુખ અરવિંદભાઈ ભાયાણી તેમજ વૃજલાલ બથિયા દ્વારા સૌને આવકાર અપાયો હતો. આ આયોજનને સફળ બનાવવા જલારામ સેવા સમિતિના સર્વે સભ્યો તેમજ સુરેશભાઈ બારાઇ, લાલજીભાઈ ભુવા લોહાણા મહાજનના સભ્યોએ તેમજ સમસ્ત હિન્દુ સમાજના લોકોએ જહેમત ઉઠાવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
