Author: નોબત સમાચાર
પારકી પરણેતરને મળવા ગયેલા યુવાનને જોઈ ગયા પછી બંને પક્ષ વચ્ચે બોલી બઘડાટી
લાકડી-પાઈપથી સામસામા પક્ષે કર્યા હુમલાઃ બંને પક્ષની ફરિયાદઃ
જામનગર તા. ૨૫ઃ જામજોધપુરના નાળીયેરી નેસમાં એક યુવાન પારકી પરણેતરે મળવા જતો હોવાની શંકાથી ગઈકાલે રાત્રે પાંચ શખ્સે તે યુવાનના કાકા સહિતના પરિવારજનો પર લાકડી-પાઈપથી હુમલો કરી આડેધડ માર માર્યાે હતો. જ્યારે સામાપક્ષે પણ આઠ શખ્સ સામે હુમલાની વળતી ફરિયાદ નોંધાવી છે. આ યુવક તે મહિલાને મળવા ગયો હતો ત્યારે તેને જોઈ ગયેલા યુવાનને આડેધડ માર મારવામાં આવ્યો છે. પોલીસે બંને પક્ષની ફરિયાદ પરથી ગુન્હા નોંધ્યા છે.
જામજોધપુર શહેરમાં નાળીયેરી નેસ નજીક પાણીના ટાંકા પાસે વસવાટ કરતા પાલાભાઈ લાખાભાઈના ભત્રીજા દેવસુર આલસુર એક મહિલાને મળવા જતો હોવાની શંકા પડતા તે બાબતનો ખાર રાખી ગઈકાલે સવારે હરસુર જીવાભાઈ, નારણ વાલાભાઈ, ભીમા જીવાભાઈ, ડાયાભાઈ ગોવાભાઈ, રાણા પુંજાભાઈ નામના પાંચ શખ્સે લાકડી તથા પાઈપથી હુમલો કર્યાે હતો.
નારણ, ભીમા, હરસુર તથા ડયાભાઈ માર મારતા હતા ત્યારે બૂમાબૂમ થતાં મારવામાં રાણા પુંજા પણ જોડાઈ ગયો હતો. કમલેશ તથા બિજલ લાખાભાઈ વચ્ચે પડતા તેઓને પણ લાકડીઓથી માર મારવામાં આવ્યો હતો. સાજણને લાકડીનો ફટકો મારવામાં આવતા તે યુવાન નાસી ગયો હતો. તે પછી આજે બચી ગયા છો, હવે હાથમાં આવશો તો જાનથી મારી નાખીશું તેવી ધમકી આપી પાંચેય શખ્સ ચાલ્યા ગયા હતા. પાલાભાઈએ જામજોધપુર પોલીસ સ્ટેશનમાં ફરિયાદ નોંધાવી છે.
આ ફરિયાદની સામે નારણભાઈ વાલાભાઈએ વળતી ફરિયાદ નોંધાવી તેમાં જણાવ્યું છે કે, તેના પિતરાઈની પત્ની સાથે દેવસુર આલસુર નામના શખ્સને આડોસંબંધ હોવાની શંકા પડતા ગઈકાલે નારણભાઈ તથા ડાયાભાઈ વોચ રાખતા હતા. જેમાં ડાયાભાઈ તે વ્યક્તિઓને મળતા જોઈ જતા મામલો બીચક્યો હતો અને તે પછી બિજલ લાખાભાઈ, સાજણ બિજલભાઈ, કમલેશ આલસુર, મેસુર કારા, આલસુર લાખા, પાલા લાખા, દેવસુર આલસુર, આલસુર માણસુર નામના આઠ વ્યક્તિએ લાકડીઓ વડે હુમલો કરી મારી નાખવાના ઈરાદે માર માર્યાે હતો. આ હુમલામાં હરસુખ, ભીમાભાઈ, ડાયાભાઈને ગંભીર ઈજા પહોંચી છે. પોલીસે ટોળા સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
