Author: નોબત સમાચાર
નવનિયુક્ત જિલ્લા વિકાસ અધિકારીના વિચિત્ર આદેશથી વિવાદઃ અધિકારીઓમાં વિરોધનો સુર
જામનગર જિલ્લા પંચાયતમાં
જામનગર તા. ૧૫: જામનગર જિલ્લા પંચાયતમાં તાજેતરમાં જ નિયુક્ત થયેલા જિલ્લા વિકાસ અધિકારી અંકિત પન્નુ એ ચાર્જ સંભાળ્યાના થોડા દિવસોમાં જ વિચિત્ર આદેશ કરતા અધિકારીગણમાં વિરોધનો સુર ઉઠવા પામ્યો છે. તેમજ આ વિવાદાસ્પદ આદેશના આગામી ટૂંક સમયમાં ઘેરા પડઘા પડે તેવી ચર્ચાઓએ જોર પકડ્યું છે.
ડી.ડી.ઓ.એ જિલ્લા પંચાયતના ક્લાસ-૧ અધિકારી દિપાબેન કોટક પાસે રહેલો સામાન્ય શાખાની કચેરીના વડાનો ચાર્જ આંચકી લઈ કલાસ-૨ હિસાબી અધિકારી ધવલ ઘેલાણીને તેની મૂળ ફરજ સાથે વધારાના ચાર્જ તરીકે લાદવામાં આવ્યો છે.
આ ઉપરાંત મહેકમ શાખાના વડા તરીકે વધારાની કામગીરીનો ચાર્જ તેમજ ઈન્ચાર્જ ડેપ્યુટી ડી.ડી.ઓ. રહી ચુકેલા પશુપાલન વિભાગના નાયબ નિયામક ડો. તેજસ શુકલનો વિકાસ શાખાના વડા તરીકેનો ચાર્જ સંશોધન અધિકારી એ.એ.ભીમાણીને વધારાના હવાલા તરીકે સોંપવામાં આવતા ભારે ચકરાર જાગી છે.
આ ઉપરાંત આદેશમાં હિસાબી અધિકારી ઘેલાણીને ડેપ્યુટી ડી.ડી.ઓ. (પંચાયત) તથા સામાન્ય શાખાની કચેરી તરીકેના વડા તરીકે તેમજ એ.એ.ભીમાણીને મહેકમ તથા વિકાસ શાખાની કચેરીના વડા તરીકેની તમામ નાણાકિય અને વહીવટી અધિકારો સાથેનો ચાર્જ વરસ સુધી સોંપવામાં આવ્યો છે.
અત્રે ઉલ્લેખનિય છે કે જે અધિકારીઓ પાસેથી ચાર્જ અચાનક આંચકી લેવામાં આવ્યા છે, તેમની સાથે કોઈ ફરિયાદ કે આક્ષેપો નથી. આથી અધિકારીગણમાં વિરોધનો સુર ઉઠવા પામ્યો છે. જે અધિકારીઓને ચાર્જ સોંપવામાં આવ્યા છે તેમને વાહન પણ ફાળવી દેવાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
