Author: નોબત સમાચાર
ખંભાળિયાના બેહ ગામમાં છવ્વીસ વર્ષ પહેલાં ધાડ પાડનાર ગેંગનો શખ્સ ઝડપાયો
આરોપી ચડી-બનિયાનધારી ગેંગનો સદસ્યઃ
જામનગર તા. ૧૫: ખંભાળિયાના બેહ ગામમાં છવ્વીસ વર્ષ પહેલાં એક ખેતર સ્થિત મકાનમાં ધાડ પાડનાર કુખ્યાત ચડી-બનિયાનધારી ગેંગના છવ્વીસ વર્ષથી નાસતા ફરતા આરોપીને એલસીબીએ પકડી પાડ્યો છે.
ખંભાળિયા તાલુકાના બેહ ગામમાં અંદાજે છવ્વીસ વર્ષ પહેલાં લૂંટનો એક ગુન્હો નોંધાયો હતો. તેની તપાસમાં ચડી-બનિયાનધારી ગેંગની સંડોવણી જાહેર થઈ હતી. ત્યારપછી શરૂ થયેલી ધરપકડમાં મૂળ મધ્યપ્રદેશના જાંબુવા જિલ્લાના કલજી નાના લાલજી વાખલા નામના શખ્સની સંડોવણી પણ બહાર આવી હતી.
ત્યારપછી આ શખ્સ નાસતો ફરતો હતો. તેના દેવભૂમિ દ્વારકા એલસીબી દ્વારા સગડ દબાવાતા હતા. પીઆઈ કે.કે. ગોહિલની સૂચનાથી કેસનો અભ્યાસ કર્યા પછી પીએસઆઈ બી.એમ. દેવમુરારી, વી.એન. સીંગરખીયા, એસ.એસ. ચૌહાણના વડપણ હેઠળની ટૂકડીઓ તપાસમાં જોડાઈ હતી. ઉપરોક્ત આરોપી કલજીને ખંભાળિયા-ભાણવડ રોડ પરથી પકડી લેવામાં આવ્યો છે.
ઉપરોક્ત શખ્સ ઉપરાંતના ચડી-બનિયાનધારી ગેંગના શખ્સોએ વર્ષ ૧૯૯૯માં બેહ ગામના પાલાભાઈ થારીયાભાઈ ગઢવીના ખેતર સ્થિત રહેણાંક મકાનમાં ધાડ પાડી ત્યાં હાજર વ્યક્તિઓને માર મારવા ઉપરાંત દાગીના, રોકડ, બંદૂકની લૂંટ ચલાવી હતી. આ આરોપીને રિમાન્ડ પર લેવાની તજવીજ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
