Author: નોબત સમાચાર
સુમરા ગામની ગૌચર તથા સરકારી જમીન પર ગેરકાયદે દબાણ
ગ્રામજનો દ્વારા દબાણો દૂર કરવા રજૂઆતઃ
ધ્રોળ તા. ૧૩: ધ્રોળ તાલુકાના સુમરા ગામની સીમમાં આવેલી ગૌચર અને સરકારી ખરાબાની જમીન પર થયેલ ગેરકાયદેસર દબાણ અને કબજા મામલે ગ્રામજનોએ ધ્રોળ પ્રાંત અધિકારી અને મામલતદારને આવેદનપત્ર પાઠવવામાં આવ્યું હતું.
સુમરા ગામની સીમમાં આવેલા ખાતા નં. ૧૮૮ ગૌચર જમીન અને ખાતા નં. ૧૮૯ સરકારી ખરાબામાં અમુક શખ્સોએ ગેરકાયદેસર રીતે દબાણ કર્યું છે. સ્થાનિક સત્તાધીશોએ સત્તાનો દુરૂપયોગ કરીને આ કારસ્તાન કર્યું હોવાનો પણ ગ્રામજનોએ આક્ષેપ કર્યો છે. ગ્રામજનોએ આ મુદ્દે અગાઉ અનેકવાર ગ્રામ પંચાયત સમક્ષ લેખિતમાં રજૂઆત કરી હોવા છતાં પણ કોઈ અસરકારક પગલાં ન લેવાતા, હવે તેમણે ઉચ્ચ અધિકારીઓનો દરવાજો ખખડાવ્યો છે. તેમણે જણાવ્યું કે ગૌચર જેવી સામૂહિક મિલકત પર દબાણ થવાથી ગામના પશુપાલકોને તથા અન્ય રહેવાસીઓને ગંભીર અસરો ભોગવવી પડે છે. સરકારી તંત્ર આ અંગે તાત્કાલિક કાર્યવાહી કરે. કાયદેસર તપાસ હાથ ધરે અને ગૌચર તથા સરકારી જમીન પરથી દબાણ દૂર કરવામાં આવે તેવી ગ્રામજનોએ માંગણી કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
