Author: નોબત સમાચાર
ખંભાળિયા બાયપાસ નજીક ડિવાઈડર ઠેકીને આવેલી મોટરે સર્જયો અકસ્માત
મોરકંડાના વૃદ્ધનું મૃત્યુઃ છને ઈજા થઈઃ
જામનગર તા. ૧૦ઃ જામનગરના ખંભાળિયા બાયપાસ પાસે ગુરૃવારે રાત્રે એક મોટર ડિવાઈડર ટપીને સામેથી આવતી મોટર સાથે ટકરાઈ પડતા મોરકંડા ગામના વૃદ્ધનું ગંભીર ઈજા થવાથી મૃત્યુ નિપજ્યું છે. આ અકસ્માતમાં અન્ય છને ઈજા થઈ હતી. પોલીસે મૃતકના પુત્રની ફરિયાદ નોંધી છે.
જામનગરના ખંભાળિયા બાયપાસ પાસે ગુરૃવારે રાત્રે નવેક વાગ્યે જીજે-૧૦-સીએન ૪૫૧૧ નંબરની મોટર પુરપાટ ઝડપે દોડી જતી હતી. આ મોટર જ્યારે કેશવારાસ હોટલની સામેના ભાગમાં પહોંચી ત્યારે કોઈ કારણથી તેના ચાલકે કાબૂ ગૂમાવતા મોટર બેકાબુ બની ડિવાઈડર પર ચઢી હતી.
ત્યારપછી આ મોટર સામેથી આવતી અન્ય મોટર સાથે ટકરાઈ પડતા તે મોટરમાં જઈ રહેલા મોરકંડા ગામના મેઘજીભાઈ ચૌહાણ નામના સતવારા વૃદ્ધ સહિત ના વ્યક્તિઓને ઈજા થઈ હતી. દોડી આવેલી ૧૦૮માં ઈજાગ્રસ્તોને સારવાર માટે ખસેડવામાં આવ્યા હતા. જ્યાં મેઘજીભાઈનું મૃત્યુ નિપજ્યું છે. તેમના પુત્ર પ્રભુલાલે પંચકોશી બી ડિવિઝન પોલીસ સ્ટેશનમાં ૪૫૧૧ નંબરની આઈ-૨૦ મોટરના ચાલક સામે ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
