Author: નોબત સમાચાર
ખંભાળિયાના યોગેશ્વરનગરમાં મકાનમાંથી મળી દારૃની ૪૬ બોટલઃ સપ્લાયરનું નામ ખૂલ્યું
લાલપુરના માધુપુરમાંથી મળી આવી દેશી દારૃની ભઠ્ઠીઃ
જામનગર તા. ૧૪ઃ લાલપુરના માધુપુર ગામની સીમમાંથી દેશી દારૃની ભઠ્ઠી મળી આવી છે. જ્યારે ખંભાળિયાના યોગેશ્વરનગર-રમાં એક મકાનમાંથી દારૃની ૪૬ બોટલ કબજે કરાઈ છે. ભાણવડના કપુરડીનેસ ચેકપોસ્ટ પરથી મોટરમાં લઈ જવાતી ઈંગ્લીશ દારૃની ૪૩ બોટલ ઝબ્બે લેવામાં આવી છે.
લાલપુર તાલુકાના પીપરટોડા નજીકના માધુપુર ગામ પાસે જયેન્દ્રસિંહ મજબૂતસિંહ જાડેજા નામના મોટા ખડબા ગામના ખેતરમાં શનિવારે લાલપુર પોલીસે પૂર્વ બાતમીના આધારે દરોડો પાડતા ત્યાંથી દેશી દારૃની બંધ ભઠ્ઠી મળી આવી હતી. ત્યાંથી તૈયાર દારૃ, ૩૦ લીટર આથો, ભઠ્ઠીના સાધનો કબજે કરાયા છે. દરોડા પહેલાં નાસી ગયેલા જયેન્દ્રસિંહની શોધ કરાઈ રહી છે.
ખંભાળિયામાં યોગેશ્વરનગર-રમાં પ્રવીણ નારણભાઈ વસરાના રહેણાંક મકાનમાં પોલીસે દરોડો પાડતા ત્યાંથી ઈંગ્લીશ દારૃની ૪૬ બોટલ મળી આવી હતી. બોટલ સાથે પ્રવીણ મસુરાની ધરપકડ કરાઈ છે. તેણે જામનગરની તિરૃપતિ સોસાયટીવાળા મહેશ હરધ્રોળ વાલાણી પાસેથી દારૃ લીધાની કબૂલાત કરી છે.
ભાણવડ નજીક કપુરડી ચેકપોસ્ટ પરથી શનિવારે રાત્રે પસાર થતી જીજે-૧૮ પાસીંગની મોટરને પોલીસે શકના આધારે રોકાવી ચેક કરતા તેમાંથી ૪૩ નંગ દારૃની બોટલ મળી આવી હતી. આ જથ્થા સાથે મોરઝર ગામનો અવિનાશ મનસુખભાઈ બગડા, જયદીપ અનિલભાઈ વાઘેલા તથા કાયદાથી સંઘર્ષિત કિશોરની અટકાયત કરાઈ છે. આ જથ્થો રાણાવાવના સાજણાનેસવાળા રૃડા પુલવા પાસેથી લીધાની કબૂલાત મળી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
