જામનગરના હરિપરમાં ૬ ઈંચ, મોટી ભલસાણમાં પાંચ ઈંચ, અન્યત્ર ત્રણ ઈંચથી વધુ વરસાદ

Author: નોબત સમાચાર

જામનગરના હરિપરમાં ૬ ઈંચ, મોટી ભલસાણમાં પાંચ ઈંચ, અન્યત્ર ત્રણ ઈંચથી વધુ વરસાદ

શનિ-રવિમાં હાલાર પર હેત વરસાવતા મેઘરાજાઃ આજે તડકો નીકળ્યો, પરંતુ ભારે વરસાદની આગાહી

જામનગર તા. ર૧: હાલારમાં શનિવારથી ફરી એક વખત મેઘ મહેર શરૂ થઈ હતી. ગઈકાલે પણ હાલારમાં સારો વરસાદ થયો છે. સમગ્ર હાલાર પંથકમાં ઝાપટાથી ત્રણ ઈંચ જેટલો વરસ્યો છે, જ્યારે અમુક ગામડામાં પાંચથી ૬ ઈંચ વરસાદ નોંધાયો છે, જો કે આજે સવારથી મેઘરાજા ક્યાંય વરસ્યા નથી, પરંતુ ભારે વરસાદની આગાહી હવામાન વિભાગે કરી છે.

છેલ્લા કેટલાક દિવસના વિરામ પછી શનિવારથી ફરી એક વખત હાલારમાં મેઘસવારી શરૂ થઈ છે. જામનગર જિલામાં જોઈએ તો જામનગરમાં ર૮ મી.મી., જોડિયામાં ૮૦ મી.મી., ધ્રોળમાં ર૦ મી.મી., કાલાવડમાં ૧૪ મી.મી., લાલપુરમાં પાંચ મી.મી. અને જામજોધપુરમાં ૩પ મી.મી. વરસાદના વાવડ છે. જોડિયામાં ત્રણ ઈંચથી વધુ વરસાદ વરસી જતા ચોતરફ પાણી ભરાયા હતાં. આ ઉપરાંત ગ્રામ્ય પંથકમાં પણ સારો વરસાદ નોંધાયો હતો.

જામનગરના ગ્રામ્ય વિસ્તારમાં પણ ગઈકાલે સારો વરસાદ વરસ્યો હતો, જેમાં મોટી બાણુંગારમાં ૧પ, ફલ્લામાં ૧પ, જામવણંથલીમાં ૪૦, મોટી ભલસાણમાં ૧૩૧, અલિયાબાડામાં ૩૦, દરેડમાં ૧૭, હડિયાણામાં ૪૦, બાલંભામાં ૯પ, જાલિયાદેવાણીમાં રપ, લૈયારામાં ર૦, નિકાવામાં રર, ખરેડીમાં રપ, ભલસાણ બેરાજામાં ર૦, નવાગામમાં ૩પ, મોટા પાંચદેવડામાં ૧૯, સમાણામાં ૧૪, શેઠવડાળામાં ર૦, જામવાડીમાં ૧ર, ધુનડામાં ૧ર, ધ્રાફામાં રપ, પરડવામાં ૪૦ મી.મી., પીપરટોડામાં ૬૩ પડાણામાં ૧૩, મોટા ખડબામાં ર૦, હરિપરમાં ૧પપ મી.મી. વરસાદ થયો હતો. આમ અમુક ગામડામાં સારો વરસાદ થતા ખેડૂતો ખુશખુશાલ જોવા મળ્યા હતાં.

તેવી જ રીતે દેવભૂમિ દ્વારકા જિલ્લામાં પણ એકાદ સપ્તાહમાંના વિરામ પછી સમયસર વરસાદ વરસતા ખેડૂતોમાં આનંદની લાગણી જોવા મળી છે.

ખંભાળિયામાં પાંચ મી.મી., દ્વારકામાં અડધાથી પોણો ઈંચ, ભાણવડમાં બે ઈંચ અને કલ્યાણપુરમાં સૌથી વધુ ત્રણ ઈંચ વરસાદ થયો છે. સૌથી આગળ રહેતું ખંભાળિયા આ સિઝનમાં સૌથી પાછળ છે, પરંતુ સૌથી વધુ કલ્યાણપુરમાં મોસમનો કુલ ર૪ ઈંચ વરસાદ થતા મોખરે રહ્યું છે, જ્યારે દ્વારકામાં ૧૭ ઈંચ, ભાણવડમાં ૧૪ ઈંચ અને ખંભાળિયામાં ૧૩ ઈંચ કુલ વરસાદ વરસી ચૂક્યો છે.

જો આપને આ પોસ્ટ ગમી હોય તો શેર કરો...