Author: નોબત સમાચાર
જામનગરમાં ઠંડીનો ચમકારોઃ લઘુતમ ૧૭.પ ડીગ્રી
શિયાળાના પગરવ વચ્ચે
જામનગર તા. ૧૧: જામનગરમાં શિયાળાના પગરવ વચ્ચે ગઈકાલે રાત્રે ઠંડીનો ચમકારો અનુભવાયો હતો. નગરમાં આજે સવારે પૂરા થતાં ચોવીસ કલાક દરમિયાન લઘુતમ તાપમાનનો પારો ૧૭.પ ડીગ્રીએ સ્થિર રહ્યો હતો.
જામનગરમાં ધીમે-ધીમે શિયાળાનું આગમન થઈ રહ્યું છે. ઠંડીના પગરવ વચ્ચ ગઈકાલે રાત્રે ઠંડીનો ચમકારો અનુભવાયો હતો. ગ્રામ્ય તથા નગરસિમ વિસ્તારો અને હાઈવે પર વધારે ઠંડી અનુભવાઈ હતી. ઠંડીમાં જેમ જેમ વધારો થઈ રહ્યો છે તેમ તેમ પંખાની ગતિ લોકો ઘટાડી રહ્યા છે. એસીનો વપરાશ પણ ઘટી જવા પામ્યો છે.
જામનગરમાં શિયાળાના પગરવ વચ્ચે આજે સવારે પૂરા થતાં ચોવીસ કલાક દરમિયાન કોઈ વધારા કે ઘટાડા વગર લઘુતમ તાપમાનનો પારો ૧૭.પ ડીગ્રીએ સ્થિર રહ્યો હતો, જ્યારે અડધા ડીગ્રીથી વધુ ઘટીને મહત્તમ તાપમાન ૩૦.પ ડીગ્રી નોંધાયું હતું.
નગરના વાતાવરણમાં ભેજનું પ્રમાણ ૬ ટકા ઘટીને ૭૧ ટકા રહ્યું હતું. પવનની ગતિ પ્રતિકલાકની સરેરાશ પ થી ૧૦ કિ.મી.ની રહેવા પામી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
