Author: નોબત સમાચાર
ધ્રોલમાં ગેરકાયદે ગર્ભ પરિક્ષણ કરનાર તબીબને એક વર્ષની કેદ, અન્ય તબીબને પ્રોબેશનનો લાભ અપાયો
સાત વર્ષ પહેલાં જિલ્લા આરોગ્ય અધિકારીએ કરી હતી ચકાસણીઃ
જામનગર તા. ૨૯: ધ્રોલમાં આવેલી એક હોસ્પિટલમાં સાત વર્ષ પહેલાં જિલ્લા આરોગ્ય અધિકારીએ ગર્ભ પરિક્ષણ અંગે કરેલી ચકાસણીમાં એક ડોક્ટર ગેરકાયદેસર રીતે ગર્ભ પરિક્ષણ કરતા મળી આવ્યા હતા. આ ડોક્ટર તથા હોસ્પિટલના સંચાલક મહિલા ડોક્ટર સામે જે તે વખતે ગુન્હો નોંધાયો હતો. તે કેસ ચાલી જતાં સોનોગ્રાફી કરનાર ડોક્ટરને એક વર્ષની કેદ અને દંડ ફટકારાયો છે. જ્યારે હોસ્પિટલના સંચાલક ડોક્ટર મહિલાને દંડ તથા પ્રોબેશનનો લાભ આપી જાત મુચરકા અને જામીન રજૂ કરવા હુકમ થયો છે.
ધ્રોલમાં આવેલી પાર્થ હોસ્પિટલમાં ગર્ભ પરિક્ષણ કરી આપવામાં આવતું હોવાની બાતમી પરથી વર્ષ ૨૦૧૮ના જુન મહિનામાં મુખ્ય જિલ્લા આરોગ્ય અધિકારી તથા તેમની ટીમે નકલી દર્દીને મોકલી ચકાસણી હાથ ધરી હતી.
દર્દી તરીકે પહોંચેલા એક મહિલાએ ગર્ભ પરિક્ષણ કરાવવાનું છે તેમ કહેતા તેઓની પાર્થ હોસ્પિટલમાં ચકાસણી કરવામાં આવતી હતી ત્યારે ત્રાટકેલી ચેકીંગ ટીમે તપાસ કરતા આ દર્દીની પીસી એન્ડ પી એન્ડ ડીટી એક્ટ હેઠળ નિભાવવાના થતા રજીસ્ટરમાં એન્ટ્રી કરવામાં ન આવી હોવાનું અને એફ ફોર્મ પણ ભરવામાં ન આવ્યું હોવાનું ખૂલ્યું હતું. આ હોસ્પિટલ ચલાવતા ડો. સંગીતા દેવાણી તથા સોનોગ્રાફી કરતા ડો. હીરેન આર. કણઝારીયા સામે પીસી એન્ડ પી એન્ડ ડીટી એક્ટની કલમો હેઠળ ગુન્હો નોંધવામાં આવ્યો હતો.
ઉપરોક્ત કેસમાં કાનૂની કાર્યવાહી માટે જામનગરના પૂર્વ ડીજીપી બિમલભાઈ ચોટાઈની જિલ્લા આરોગ્ય અધિકારીએ નિમણૂક કરી હતી. તે કેસમાં ફરિયાદ પક્ષે પુરાવા રજૂ કરવા ઉપરાંત અન્ય સાહેદ ડો. રિદ્ધિ તથા સરકારી પંચની જુબાની પણ રજૂ કરી હતી. આ હોસ્પિટલમાં દર્દીઓની સોનોગ્રાફી અંગેનું રેકર્ડ કાયદા મુજબ નિભાવવામાં આવ્યું નથી તેમ દલીલ કરવામાં આવી હતી. અદાલતે આરોપીઓ સામેના કેસ પુરવાર માની બંનેને તક્સીરવાન ઠરાવી ડો. હીરેન કણઝારીયાએ એક વર્ષની સજા તથા રૂ.પ હજારનો દંડ ફટકાર્યાે છે અને ડો. સંગીતા દેવાણીને પ્રોબેશનનો લાભ આપી રૂ.પ હજારનો દંડ તેમજ ત્રણ વર્ષ સુધી રૂ.રપ હજારના જાત મુચરકા અને જામીન રજૂ કરવાનો હુકમ કર્યાે છે. ફરિયાદી તરફથી વકીલ બિમલભાઈ ચોટાઈ, સુમિત સોલંકી, નીલ ચોટાઈ, મોનીલ ગુઢકા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
