Author: નોબત સમાચાર
ગુજરાતમાં સૌરાષ્ટ્ર સહિત કેટલાક જિલ્લામાં ધોધમાર વરસાદની આગાહી
હવામાન ખાતાએ આજથી સોમવાર સુધીની આગાહી જાહેર કરીઃ વરસાદનો એક વધુ રાઉન્ડ
અમદાવાદ તા. પઃ ગુજરાતમાં ફરી ભારેથી અતિભારે વરસાદની આગાહી કરવામાં આવી છે. આજે ત્રણ જિલ્લામાં રેડ એલર્ટ અપાયું છે. હવામાન ખાતાએ સોમવાર સુધીની આગાહી કરી છે.
ગુજરાતમાં ફરી એકવાર ધોધમાર વરસાદની હવામાન વિભાગે આગાહી વ્યક્ત કરી હતી. દક્ષિણ ગુજરાત, સૌરાષ્ટ્ર અને મધ્ય ગુજરાતના કેટલાક ભાગોમાં ધોધમાર વરસાદની આગાહી કરી છે. શુક્રવારે (પાંચી સપ્ટેમ્બર) દક્ષિણ રાજ્યના ત્રણ જિલ્લામાં રેડ એલર્ટ આપવામાં આવ્યું છે, જ્યાં ભારેથી અતિભારે વરસાદ જોવા મળશે. આ સિવાય રાજ્યના ૮ જિલ્લામાં ઓરેન્જ એલર્ટ જ્યાં મધ્યમથી ભારતે વરસાદ જોવા મળશે અને ૧૮ જિલ્લામાં યલો એલર્ટ રહેશે. મોનસુન ટ્રફના કારણે રાજ્યમાં ફરી એકવાર ધોધમાર વરસાદની હવામાન વિભાગે આગાહી વ્યક્ત કરી હતી.
આજે (પાંચમી સપ્ટેમ્બર) નવસારી, ડાંગ, વલસાડ, દમણ, દાદરા અને નગર હવેલીમાં વરસાદનું રેડ એલર્ટ આપવામાં આવ્યું છે. સુરત, તાપી, નર્મદા, ભરૂચ, છોટા ઉદેપુર, ભાવનગર, અમરેલી, બોટાદમાં ઓરેન્જ એલર્ટ જાહેર કર્યું છે, જ્યારે દીવ, ગીર-સોમનાથ, જૂનાગઢ, રાજકોટ, સુરેન્દ્રનગર, અમદાવાદ, પાટણ, બનાસકાંઠા, સાબરકાંઠા, મહેસાણા, ગાંધીનગર, ખેડા, આણંદ, વડોદરા, પંચમહાલ, દાહોદ, મહીસાગર, અરવલ્લીમાં વરસાદનું યલો એલર્ટ જાહેર કર્યું છે.
આવતીકાલે શનિવારે (છઠ્ઠી સપ્ટેમ્બર) સુરેન્દ્રનગર, સાબરકાંઠા, અરવલ્લી, મહીસાગર જિલ્લામાં રેડ એલર્ટ આપવામાં આવ્યું છે, જ્યાં ભારેથી અતિભારે વરસાદ જોવા મળશે. આ સિવાય રાજકોટ, મોરબી, બોટાદ, બનાસકાંઠા, ભહેસાણા, ગાંધીનગર, ખેડા, પંચમહાલ, દાહોદ જિલ્લામાં ઓરેન્જ એલર્ટ જ્યાં મધ્યમથી ભારે વરસાદ જોવા મળશે અને ર૧ જિલ્લામાં યલો એલર્ટ રહેશે, જ્યાં છૂટોછવાયેલો હળવોથી મધ્યમ વરસાદ જોવા મળશે.
તે પછી રવિવારે (સાતમી સપ્ટેમ્બર) કચ્છ જિલ્લામાં રેડ એલર્ટ આપવામાં આવ્યું છે, જ્યાં ભારેથી અતિભારે વરસાદ જોવા મળશે. આ સિવાય મોરબી, સુરેન્દ્રનગર, પાટણ, બનાસકાંઠા, મહેસાણા, સાબરકાંઠા, ગાંધીનગર, અરવલ્લી, મહીસાગર જિલ્લામાં ઓરેન્જ એલર્ટ જ્યાં મધ્યમથી ભારે વરસાદ જોવા મળશે અને જૂનાગઢ, પોરબંદર, દ્વારકા, જામનગર, રાજકોટ, બોટાદ, અમદાવાદ, ખેડા, આણંદ, પંચમહાલ, દાહોદ જિલ્લામાં યલો એલર્ટ રહેશે, જ્યાં છૂટોછવાયો હળવાથી મધ્યમ વરસાદ જોવા મળશે. બીજી તરફ હવામાન વિભાગ દ્વારા સોમવારે (૮ સપ્ટેમ્બર) વરસાદનો માહોલ શાંત પડશે. સોમવારે ફક્ત ૩ જિલ્લામાં યલો એલર્ટ આપવામાં આવ્યું છે અને બાકીના જિલ્લામાં વરસાદની આગાહી નહીંવત્ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
