Author: નોબત સમાચાર
શંકરટેકરીમાં મહિલાને રોકી એક શખ્સે છરી બતાવી આપી પતાવી દેવાની ધમકી
ત્રણેક દિવસ પહેલાં થયેલા ઝઘડાના સમાધાન પછી
જામનગર તા. ૧૩: જામનગરના શંકરટેકરી વિસ્તારમાં ગઈકાલે સાંજે સ્કૂટર પર જતા એક મહિલાને રોકી એક શખ્સે ગાળો ભાંડ્યા પછી છરી કાઢતા આ મહિલા જીવ બચાવીને નાસી છૂટ્યા હતા. ત્રણેક દિવસ પહેલાં થયેલી માથાકૂટનું સમાધાન થયા પછી પણ આ શખ્સે ગઈકાલે ગાળો ભાંડી પતાવી દેવાની ધમકી આપતા પોલીસમાં ફરિયાદ કરાઈ છે.
જામનગરના શંકરટેકરી વિસ્તારમાં નવી નિશાળ પાછળ રહેતા સુહાનાબેન ઉર્ફે પ્રિયાબા ગફારભાઈ ખફી (ઉ.વ.૩૦) નામના પરિણીતા ગઈકાલે સાંજે પોતાના સ્કૂટર પર રણજીતનગરમાં રહેતા ભાઈના ઘેર જઈ રહ્યા હતા.
તેઓ જ્યારે શંકરટેકરીમાં રામનગર રોડ પર પહોંચ્યા ત્યારે રિદ્ધિ સિદ્ધિ સોસાયટીમાં રહેતો અલ્તાફ જુસબ ખફી નામનો શખ્સ ધસી આવ્યો હતો. ગયા મંગળવારે સુહાનાબેન અને અલ્તાફ વચ્ચે ઝઘડો થયા પછી અલ્તાફે ફડાકો ઝીંકયો હતો તે પછી બંને વચ્ચે સમાધાન પણ થયું હતું. તેમ છતાં ગઈકાલે સાંજે સ્કૂટર પર જતા સુહાનાબેને રોકી અલ્તાફ ખફીએ ગાળો ભાંડ્યા પછી પોતાની પાસે રહેલી છરી બહાર કાઢી હતી.
આ શખ્સથી બચવા માટે સુહાનાબેને સ્કૂટર પુરપાટ ઝડપે ચલાવી જીવ બચાવી પોતાના ભાઈના ઘેર ચાલ્યા ગયા હતા. ત્યારપછી રાત્રે સિટી સી ડિવિઝન પોલીસ સ્ટેશનમાં આ મહિલાએ ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
