ભાણવડમાં ઉજવાયું વન્ય પ્રાણી સપ્તાહ

Author: નોબત સમાચાર

ભાણવડમાં ઉજવાયું વન્ય પ્રાણી સપ્તાહ

એનિમલ લવર્સ ચેરી. ટ્રસ્ટ દ્વારા

ભાણવડ તા.૧૦: ભાણવડના એનિમલ લવર્સ ચેરીટેબલ ટ્રસ્ટ દ્વારા વન્ય પ્રાણી સપ્તાહ ૨૦૨૫ની ઉજવણી કરાઈ હતી. દેશભરમાં ૧૯૫૭ના વર્ષથી ૨ થી ૮ ઓક્ટોબર વન્યપ્રાણી સપ્તાહ તરીકે ઉજવણી કરવામાં આવે છે,

ત્યારે વન્યપ્રાણી સપ્તાહ - ૨૦૨૫ દરમ્યાન એનિમલ લવર્સ ચેરીટેબલ ટ્રસ્ટના પ્રમુખ અશોકભાઈ ભટ્ટ અને તેમની ટીમ દ્વારા જુદી - જુદી જગ્યાઓ પર વન્ય જીવ અવેરનેસ અને ખાસ સ્નેક અવેરનેસ કાર્યક્રમોનું આયોજન કરાયું હતું.

તા. ૬ ઓક્ટોબરે ખંભાળિયા સેશન્સ કોર્ટમાં સ્નેક અવેરનેસ સેમિનારનું આયોજન કરાયું. જેમાં ટ્રસ્ટના પ્રમુખ અને વન્યજીવ રેસ્ક્યુઅર અશોકભાઈ ભટ્ટ દ્વારા ઝેર અને બિનઝેરી સાપ, સાપો અને દરેક વન્યજીવોનુ આપણા જીવનમાં મહત્ત્વ, સાપ વિશેની માન્યતાઓ, સાપ કરડે તો શું કરવું અને શું ન કરવું, વગેરે જેવી બાબતોની પોસ્ટરના માધ્યમથી રસપ્રદ માહિતી અપાઈ હતી.

આ સેમિનારમાં પ્રિન્સિપલ ડિસ્ટ્રિક્ટ જજ વ્યાસ, અધિક જિલ્લા ન્યાયાધીશ મનસુરી, ડી. એલ.એસ.એ.ના સેક્રેટરી ગોહિલ,ચીફ જ્યુડિશિયલ મેજિસ્ટ્રેટ મંઘાણી, એડિશનલ સિવિલ જજ ચૌહાણ તેમજ કોર્ટના તમામ અધિકારી અને કર્મચારીઓ જોડાયા હતા, તેમજ ઉપસ્થિત સૌ દ્વારા આ સેમિનાર દરમ્યાન સર્પવિદ અશોકભાઈ ભટ્ટ દ્વારા સાપો વિશેની અપાયેલ માહિતી અને વન્યજીવ સંરક્ષણના આ કાર્યની ખૂબ પ્રશંસા કરાઈ હતી.

આ ઉપરાંત આ સપ્તાહ દરમ્યાન આ ટ્રસ્ટના સભ્યો દ્વારા અન્ય જાહેર સ્થળોએ પણ આવા સેમિનારનું આયોજન કરાયું હતું. આ સપ્તાહની ઉજવણીને સફળ બનાવવા ટ્રસ્ટના પ્રમુખની સાથે દુદા ભાઈ, દત્ત દેસાઈ, વિશાલ ભરવાડ અને અક્ષય સૂચક, અને બિપિનભાઈ જોડાયા હતા.

જો આપને આ પોસ્ટ ગમી હોય તો શેર કરો...