Author: નોબત સમાચાર
ખંભાળિયા તાલુકામાં નેશનલ સ્પોર્ટસ ડે ની ઉજવણી અંતર્ગત ચૌદ ટીમ વચ્ચેની ત્રિ-દિવસીય 'ક્રિકેટ ટુર્નામેન્ટ'નો પ્રારંભ
જિલ્લા કલેક્ટર શ્રી રાજેશ તન્ના અને મુખ્ય ન્યાયાધીશ શ્રી વ્યાસ દ્વારા
સમગ્ર રાજ્યની સાથે દેવભૂમિ દ્વારકા જિલ્લામાં 'હર ગલી, હર મેદાન, ખેલે સારા હિન્દુસ્તાન' તેમજ 'ખેલે ભી, ખીલે ભી' થીમને કેન્દ્રમાં રાખીને ત્રિ-દિવસીય 'નેશનલ સ્પોર્ટસ ડે'ની ઉજવણી અંતર્ગત વિવિધ રમતોનું આયોજન કરવામાં આવ્યું છે. જિલ્લા વહીવટી તંત્ર દ્વારા આયોજિત ત્રિ-દિવસીય 'જિલ્લા ક્રિકેટ કપ-ર૦રપ'નો શુભારંભ જિલ્લા કલેક્ટર શ્રી રાજેશ તન્ના અને મુખ્ય જિલ્લા ન્યાયાધીશ શ્રી એસ.વી. વ્યાસના હસ્તે કરવામાં આવ્યો હતો. કલેક્ટર દ્વારા ટોસ ઉછાળીને રમતની શરૂઆત કરવામાં આવી હતી. આ ટુર્નામેન્ટમાં સી.આઈ.એસ.એફ., કોસ્ટ ગાર્ડ, નેવી, કલેક્ટર કચેરી, જિલ્લા પંચાયત, જિલ્લાના મીડિયા કર્મીઓ, રાજકીય પક્ષ, પોલીસ ઉપરાંત નયારા એનર્જી, એસ્સાર પાવર એન્ડ પોર્ટસ, આર.એસ.પી.એલ., ટાટા કેમિકલ, જિલ્લા કોર્ટ સહિત કુલ ૧૪ વિવિધ ટીમો ભાગ લઈ રહી છે. ટુર્નામેન્ટમાં ટેનિસ બોલ સાથે ૧૦ ઓવરની મેચનું આયોજન કરવામાં આવ્યું છે. આ તકે જિલ્લા વિકાસ અધિકારી એ.બી. પાંડોર, પોલીસ અધિક્ષક જયરાજસિંહ વાળા, નિવાસી અધિક કલેક્ટર ભૂપેશ જોટાણિયા, અગ્રણી મયુરભાઈ ગઢવી, રસિકભાઈ નકુમ, પ્રાંત અધિકારી કે.કે. કરમટા સહિત વિવિધ ટીમોના સભ્યો ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
