સંઘ માટે રાષ્ટ્ર પ્રથમ, કડવાશને કોઈ સ્થાન નથીઃ પીએમ મોદી

Author: નોબત સમાચાર

સંઘ માટે રાષ્ટ્ર પ્રથમ, કડવાશને કોઈ સ્થાન નથીઃ પીએમ મોદી

દત્તાત્રેય હોસાબલેએ ૧૦૦ વર્ષની સંઘની સફર વર્ણવીઃ વડાપ્રધાને ખાસ ટપાલ ટિકિટ અને વિશેષ સિક્કો બહાર પાડ્યો

નવી દિલ્હી તા. ૧: આરએસએસના શતાબ્દી સમારોહમાં ખાસ ટપાલ ટિકિટ અને સિક્કો બહાર પાડ્યા પછી વડાપ્રધાન નરેન્દ્ર મોદી અને સંઘના મહાસચિવ દત્તાત્રેય હોંસબોલેએ પ્રવચનો કર્યા હતાં. મોદીએ કહ્યું કે, સંઘમાં કડવાશ માટે કોઈ સ્થાન નથી, રાષ્ટ્ર પ્રથમ જ મૂળ ભાવના છે.

આજે રાષ્ટ્રીય સ્વયંંસેવક સંઘના શતાબ્દી સમારોહમાં સંબોધન કરતા પીએમ મોદીએ કહ્યું હતું કે, આરએસએસના સ્વયંસેવકોએ ક્યારેય કડવાશ બતાવી નથી, પછી ભલે પ્રતિબંધો લાગેલા હોય કે કાવતરાં, દરેકનો મંત્ર રહ્યો છે કે, "જે સારૃં છે, જે ઓછું સારૃં છે, બધું આપણું જ છે."

આ પ્રસંગે પીએમ મોદીએ આરએસએસના યોગદાનને દર્શાવતી એક સ્મારક ટપાલ ટિકિટ અને સિક્કો પણ બહાર પાડ્યો. તેમણે કહ્યું કે, રાષ્ટ્રની સેવા અને સમાજને સશક્ત બનાવવામાં સતત કાર્યરત આરએસએસ સ્વયંસેવકો પણ આ ટપાલ ટિકિટમાં પ્રતિબિંબિત થાય છે. હું આ માટે દેશને અભિનંદન આપું છું. આ કાર્યક્રમનું આયોજન ડો. આંબેડકર આંતરરાષ્ટ્રીય કેન્દ્રમાં કરવામાં આવ્યું હતું.

વડાપ્રધાને પોતાના સંબોધનના પ્રારંભે જ વિજયકુમાર મલ્હોત્રાને શ્રદ્ધાંજલિ પાઠવી હતી અને સંઘની સ્થાપના લઈને આજપર્યંત વિચારયાત્રાને વર્ણવી હતી.

જે ખાસ સિક્કો બહાર પાડવામાં આવ્યાં છે. તે સિક્કાની એક બાજુ રાષ્ટ્રીય પ્રતીક છે,અને બીજી બાજુ સિંહ સાથે ભારત માતા અને આરએસએસ કાર્યકરોની છબિ છે. ભારતીય ચલણ પર પહેલીવાર ભારત માતા દેખાયાં છે.

આ પ્રસંગે સંબોધન કરતા વડાપ્રધાને કહ્યુ કે, *અન્યાય પર ન્યાયનો વિજય થાય છે, અંધકાર પર પ્રકાશનો વિજય થાય છે... આ ભારતીય સંસ્કૃતિના વિચાર અને વિશ્વાસની એક કાલજયી ઘોષણા છે. ૧૦૦ વર્ષ પહેલાં આવા ભવ્ય પ્રસંગે આરએસએસની સ્થાપના કોઈ સંયોગ નહોતો.* આ હજારો વર્ષો જૂની પરંપરાનું પુનરુત્થાન હતું, જેમાં રાષ્ટ્રીય ચેતના સમયાંતરે દરેક યુગના પડકારોનો સામનો કરવા માટે નવા અવતારોમાં પોતાને પ્રગટ કરે છે. સંઘ એ શાશ્વત રાષ્ટ્રીય ચેતનાનો સદ્ગુણી અવતાર છે. સંઘ માટે રાષ્ટ્ર પ્રથમ રહ્યુ છે અને કડવાશને કોઈ સ્થાન નથી.

આ પ્રસંગે દત્તાત્રેય હોસાબલેએ કહૃાું,, *તમે દેશમાં જ્યાં પણ જાઓ છો ત્યાં તમને આરએસએસ સ્વયંસેવકો મળશે. તમને તેઓ ટ્રેનોમાં મળશે. મારા જેવા હજારો કાર્યકરો છે. સમાજ આરએસએસ કાર્યકરોના કાર્યને જોઈને આરએસએસને ઓળખે છે. સમાજ આરએસએસ સ્વયંસેવકોના કાર્યને જુએ છે.*

આરએસએસ દશેરાથી તેના શતાબ્દી વર્ષના કાર્યક્રમની શરૂઆત કરી રહૃાું છે. આ કાર્યક્રમ હેઠળ ૨ ઓક્ટોબર, ૨૦૨૫થી ૨૦ ઓક્ટોબર, ૨૦૨૬ સુધી દેશભરમાં સાત મુખ્ય કાર્યક્રમો યોજાશે. વધુમાં, આરએસએસ વડા મોહન ભાગવત યુનાઇટેડ સ્ટેટ્સ અને કેટલાક યુરોપિયન દેશોમાં કાર્યક્રમોમાં ભાગ લઈ શકે છે.

તેમણે કહ્યુ કે, મોદી પોતે આરએસએસ પ્રચારક હતા અને ભાજપમાં જોડાતાં પહેલાં તેમણે પોતાને એક કુશળ સંગઠક તરીકે સ્થાપિત કર્યા હતા. ભાજપ આરએસએસમાંથી તેની વૈચારિક પ્રેરણા લે છે.

*સંઘની ૧૦૦ વર્ષની સફર રસપ્રદ રહી છે. તેણે ઉદાસીનતા અને વિરોધના સંઘર્ષોમાંથી બહાર નીકળવું પડ્યું. પહેલા દિવસથી જ, સંઘના કાર્યકરોએ પણ હૂંફ, સહયોગ અને સમર્થનનો અનુભવ કર્યો છે.* આ વિરોધને પાર કરીને, સંઘ વિશ્વસનીયતાના શિખર પર પહોંચ્યું છે. સંઘના વિચારો ભારતીય ભૂમિના વિચારો છે. આ વિચારધારા અને જીવન દર્શનને કારણે, આપણે વિશ્વ સમક્ષ એક આદર્શ તરીકે ઊભા છીએ.

*દેશ અને વિશ્વભરના આરએસએસ કાર્યકરો વતી, હું તેમનો આભાર માનું છું. આ એક પરંપરા છે જે સરકાર દાયકાઓથી અનુસરી રહી છે. ભારત સરકાર સમાજના કોઈપણ ક્ષેત્રમાં વિશેષ યોગદાન આપનારા લોકોને માન્યતા અને સન્માન આપી રહી છે. આ પરંપરાને અનુસરીને, ભારત સરકાર સંઘના શતાબ્દી વર્ષમાં આ ઘટનાને માન્યતા આપે છે.*

આરએસએસના મહાસચિવ દત્તાત્રેય હોસાબલેએ વધુમાં કહૃાું કે, *મને સંઘના પ્રતિનિધિ તરીકે આમંત્રણ આપવામાં આવ્યું હતું. હું આ કાર્યક્રમ માટે સંસ્કૃતિ મંત્રાલય અને ભારત સરકારનો આભાર માનું છું.આજે, સંઘ ૧૦૧મા વર્ષમાં પ્રવેશ કરી રહૃાો છે, ૧૦૦ વર્ષ પૂર્ણ કર્યા છે. સંઘ ૧૦૦ વિજયાદશમી ઉજવણીનો સાક્ષી બન્યો છે.* તેમણે કહૃાું કે ભારત સરકાર દ્વારા આ પ્રસંગ નિમિત્તે ટપાલ ટિકિટ અને સિક્કો બહાર પાડવાનો નિર્ણય સંઘના સ્વયંસેવકો અને જનતા માટે આનંદની વાત છે.

અત્રે ઉલ્લેખનિય છે કે વડાપ્રધાન મોદીએ ૨૮ સપ્ટેમ્બરના રોજ તેમના મન કી બાત કાર્યક્રમમાં આરએસએસનો પણ ઉલ્લેખ કર્યો હતો. તેમણે કહૃાું કે આ વિજયાદશમી બીજા કારણોસર પણ ખાસ છેઃ તે રાષ્ટ્રીય સ્વયંસેવક સંઘ (આરએસએસ)ની સ્થાપનાની ૧૦૦મી વર્ષગાંઠ છે. એક સદીની આ યાત્રા જેટલી નોંધપાત્ર છે તેટલી જ નોંધપાત્ર, અભૂતપૂર્વ અને પ્રેરણાદાયક પણ છે.

૧૦૦ વર્ષ પહેલાં જ્યારે રાષ્ટ્રીય સ્વયંસેવક સંઘની સ્થાપના થઈ હતી, ત્યારે દેશ સદીઓથી ગુલામીની સાંકળોમાં બંધાયેલો હતો. સદીઓથી ચાલી આવતી આ ગુલામીએ આપણા આત્મસન્માન અને આત્મવિશ્વાસને ભારે ઠેસ પહોંચાડી હતી. વિશ્વની સૌથી જૂની સભ્યતા ઓળખના સંકટનો સામનો કરી રહી હતી. આપણા નાગરિકો હીન ભાવનાથી પીડાવા લાગ્યા હતા.

પૂર્વ રાષ્ટ્રપતિ કોવિંદ નાગપુરમાં યોજાનાર કાર્યક્રમમાં ચીફ ગેસ્ટ હશે

પૂર્વ રાષ્ટ્રપતિ રામનાથ કોવિંદ ૨ ઓક્ટોબર, દશેરાના નાગપુરમાં યોજાનાર આરએસએસ કાર્યક્રમમાં ચીફ ગેસ્ટ તરીકે ઉપસ્થિત રહેશે. આ વર્ષે, આરએસએસ તેની સ્થાપનાના ૧૦૦ વર્ષની ઉજવણી કરી રહૃાું છે. આરએસએસના શતાબ્દી વર્ષમાં આ એક ઐતિહાસિક ઘટના હશે.

જો આપને આ પોસ્ટ ગમી હોય તો શેર કરો...