વંગડી ડેમનુ કામ ૨૮-૨૮ વર્ષથી નહીં થવાથી આમ આદમી પાર્ટી દ્વારા હવન કરાયો

Author: નોબત સમાચાર

વંગડી ડેમનુ કામ ૨૮-૨૮ વર્ષથી નહીં થવાથી આમ આદમી પાર્ટી દ્વારા હવન કરાયો

એક મહિનામાં કામ શરૂ નહીં થાય તો ઉગ્ર લડતની ચીમકી

ખંભાળિયા તા. ૨૮: દેવભૂમિ જિલ્લાના ખંભાળિયા તાલુકામાં ૨૮-૨૮ વર્ષથી વંગડી ડેમનું કામ પૂર્ણ ના થયું હોય ગઈકાલે આમ આદમી પાર્ટી દ્વારા ડેમના સ્થળે હવનનો કાર્યક્રમ કરીને સરકાર તથા તંત્રને ઢંઢોળવા પ્રયત્ન થયો હતો.

આમ આદમી પાર્ટીના પ્રદેશ પ્રમુખ ઈશુદાન ગઢવી તથા રાજ્યના અગ્રણીઓ તથા સ્થાનિક આગેવાનો સાગર રબારી, પ્રવિણ રામ, પરેશ ગોસ્વામી, રાજુ કરપડા સહિતના આગેવાનો સાથે સ્થાનિક ખેડૂતો પણ મોટી સંખ્યામાં જોડાયા હતાં.

ઉગ્ર લડતની ચીમકી

ઈશુદાન ગઢવીએ જણાવેલ કે, જો એક માસમાં વંગડી ડેમના કાઢીયાનું કામ શરૂ નહીં થાય તો આમ આદમી પાર્ટી દ્વારકા જિલ્લામાં કયાંય કોઈ સરકારી કાર્યક્રમો પણ નહીં દે તથા ગામે ગામ વિરોધ પ્રદર્શન કરશે આ જગ્યા પર જમીનનો વીઘાનો ૧૫/૨૦ લાખ તાવ છે ત્યારે ખેડૂતોને ૧૫ હજાર આપવામાં આવ્યા છે ? તાકીદે કામ પુરૃં કરવા સાથે ખેડૂતો ૫૪ની જમીનો આ ડેમમાં ગઈ છે તેને પૂરૃં વળતર આપવા તથા આગામી ચોમાસા પહેલા ડેમનું કામ પૂર્ણ કરીને નજીકના ગામોને સિંચાઈનો લાભ આપવા વ્યવસ્થા કરવાની માંગ પણ થઈ છે.

કરોડોના ભ્રષ્ટાચારો ગુજરાતમાં થાય છે ત્યારે સરકાર તંત્ર ખેડૂતોના આ મહત્ત્વના પ્રશ્નને હલ ના કરતી હોય ભારે રોષની લાગણી આગેવાનોએ વ્યકત પણ કરી હતી.

જો આપને આ પોસ્ટ ગમી હોય તો શેર કરો...