રાષ્ટ્રીય એક્તા દિને જામનગરમાં રન ફોર યુનિટીને રાજ્યમંત્રી રિવાબા જાડેજાએ કરાવ્યું પ્રસ્થાન

Author: નોબત સમાચાર

રાષ્ટ્રીય એક્તા દિને જામનગરમાં રન ફોર યુનિટીને રાજ્યમંત્રી રિવાબા જાડેજાએ કરાવ્યું પ્રસ્થાન

સ્વચ્છતા જાગૃતિના પોસ્ટર્સ સાથે દેશભક્તિના ગીત અને રાસમંડળીના રાસની રમઝટઃ સરદાર પટેલની પ્રતિમાને ફૂલહાર

સરદાર વલ્લભભાઈ પટેલની જન્મ જયંતી નિમિત્તે રાષ્ટ્રીય એક્તા દિવસની ઉજવણીના ભાગરૂપે આજે જામનગર મહાનગરપાલિકા તથા જિલ્લા વહીવટી તંત્રના સંયુક્ત ઉપક્રમે શહેરના રણમલ તળાવ પાસેથી આ ફોર યુનિટી કાર્યક્રમનું આયોજન કરવામાં આવ્યું હતું. જેમાં રાજ્ય કક્ષાના મંત્રી શ્રીમતી રિવાબા જાડેજા, મેયર વિનોદભાઈ ખીમસૂર્યા, ધારાસભ્ય દિવ્યેશભાઈ અકબરી, જિલ્લા કલેક્ટર કેતન ઠક્કર, મ્યુનિ. કમિશનર ડી.એન. મોદી, જિલ્લા પોલીસ વડા ડો. રવિમોહન સૈની, અગ્રણી શ્રીમતી બીનાબેન કોઠારી, ડેપ્યુટી મેયર ક્રિષ્નાબેન સોઢા, સ્ટેન્ડીંગ કમિટીના ચેરમેન નિલેશભાઈ કગથરા, શાસક પક્ષના નેતા આશિષ જોષી, દંડક કેતન નાખવા સહિતના મહાનુભાવોએ ફ્લેગ ઓફ કરી રેલીનું પ્રસ્થાન કરાવ્યું હતું.

આ રેલીમાં વિદ્યાર્થીઓ દ્વારા સ્વચ્છતા પ્રત્યે લોકોમાં જાગૃતતા આવે તે હેતુથી વિવિધ પ્રકારના પોસ્ટર અને બેનરો રાખવામાં આવ્યા હતાં, તેમજ કાર્યક્રમને અનુરૂપ દેશભક્તિ ગીત અને રાસ મંડળીઓ દ્વારા રાસ કરવામાં આવ્યાહતાં. આ દોડ રણમલ તળાવ ગેઈટ નં. ૧ ના પાર્કિંગથી શ્યામજી કૃષ્ણવર્મા સ્ટેચ્યુથી મયુર મેડિકલ થઈ રણજીતનગર પટેલ સમાજ પાસે પૂર્ણ થઈ હતી, જ્યાં મહાનુભાવો અને પદાધિકારીઓ દ્વારા સરદાર વલ્લભભાઈ પટેલની પ્રતિમાને ફૂલહાર કરવામાં આવ્યા હતાં. તે પછી સ્વચ્છતા હી સેવા કાર્યક્રમના ભાગરૂપે મહાનુભાવો અને પદાધિકારીઓ તથા અધિકારીઓ સફાઈ અભિયાનમાં સહભાગી થયા હતાં.

આ રેલીમાં નિવાસી અધિક કલેક્ટર બી.એન. ખેર, જિલ્લા ગ્રામ વિકાસ એજન્સીના નિયામક શારદા કાથડ, નાયબ મ્યુનિ. કમિશનર ઝાલા, અગ્રણીઓ, જામનગર ગ્રામ્ય પ્રાંત અધિકારી બ્રિજેશ કાલરિયા, જિલ્લા રમતગમત અધિકારી બી.જે. રાવલિયા, જામનગર જિલ્લા વહીવટી તંત્ર તથા જામનગર મ્યુનિ. કોર્પોરેશનના અધિકારીઓ, એનસીસી, હોમગાર્ડઝ યુનિટ, વિદ્યાર્થીઓ સહિત વિશાળ સંખ્યામાં નગરજનો ઉત્સાહભેર સહભાગી થયા હતાં.

જો આપને આ પોસ્ટ ગમી હોય તો શેર કરો...