Author: નોબત સમાચાર
ભાણવડ શહેરના પ્રવેશવાના માર્ગો અત્યંત બિસ્મારઃ ખાડાઓથી સ્વાગત !
રસ્તાના પ્રશ્ને વિપક્ષોનું મૌન પણ શંકા પ્રેરે છેઃ
ભાણવડ તા. ૭: ભાજપ શાસિત ભાણવડ નગરપાલિકાના વિસ્તારમાં પોરબંદર, હાથલા કે ખંભાળીયા તરફથી પ્રવેશવાના માર્ગો અત્યંત બિસ્માર હાલતમાં છે. આ માર્ગો પર મસમોટા ખાડાઓથી સ્વાગત કરવામાં આવતું હોય તેવી સ્થિતિ છે.
તાલુકા પંચાયત, પોલીસ કચેરી, મામલતદાર કચેરી, મુખ્ય ઓફિસો વાળો આ રોડ ત્રણેક વર્ષથી વધુ સમયથી જર્જરીત તથા મોટા ખાડાવાળો છે. વર્ષના ૬૦ લાખ લેખે ત્રણ વર્ષમાં રાજ્ય સરકારે રીપેરીંગ માટે ૧.૮૦ કરોડ રૂપિયા ફાળવી દીધા પણ આ રોડ રીપેરીંગ થયો જ નથી. અગાઉ આનાથી આગળ ઘેલાણી શાળા પાસેથી મામલતદાર કચેરીવાળો રસ્તો જર્જરીત તથા દર વર્ષે નવો બનતો તે રસ્તો હવે સારો થઈ ગયો છે. ત્યારે વિકાસપથ ખાડાવાળો તે પણ ત્રણ વર્ષથી વર્ષે લાખો રૂપિયા રીપેરીંગના ફાળવાયા છતાં પણ બન્યો નથી કે નવી ગ્રાન્ટોમાંથી પણ નવો બન્યો નથી.
નવાઈની વાત છે કે ભૂપેન્દ્રભાઈ પટેલે ખાસ એપ દ્વારા રસ્તા ખરાબ હોય તો ફોટા નાખવા ફરિયાદ કરવા જણાવેલું. તેમાં પણ આ રસ્તા બાબતે ફરિયાદ કરવા છતાં ત્રણ-ત્રણ વર્ષથી જર્જરીત રસ્તો હોય, પાલિકાની કામગીરી સામે મોટો પ્રશ્નાર્થ છે. તો આ રસ્તા પ્રશ્ને વિપક્ષોનું મૌન પણ શંકા પ્રેરે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
