Author: નોબત સમાચાર
જામજોધપુરના બુટાવદરમાં નાસ્તાની રેંકડી ચલાવતા યુવાનના પિતા પર કરાયો હુમલો
ધોકા-લાકડી સાથે આવેલા બે શખ્સે માર મારી ધમકી આપીઃ
જામનગર તા. ૩૧: જામજોધપુરના બુટાવદર ગામમાં વસવાટ કરતા અને નાસ્તાની રેંકડી ચલાવતા એક યુવાનના ઘેર ગઈકાલે બપોરે ધસી આવેલા બે શખ્સે ધોકા-લાકડીથી આ યુવાનના પિતા તથા એક મહિલા પર હુમલો કરી માર મારવા ઉપરાંત રેંકડી ખોલશો તો મારી નાખીશું તેવી ધમકી આપી હતી.
જામજોધપુર તાલુકાના બુટાવદર ગામમાં આવેલી સોસાયટીમાં રહેતા અને નાસ્તાની લારી ચલાવતા નરેશભાઈ ઝીકાભાઈ મકવાણા નામના યુવાન ગઈકાલે બપોરે પોતાના ઘરે હતા ત્યારે બુટાવદર ગામના જ હરેશ મનજીભાઈ મકવાણા અને વિનોદ મનજીભાઈ મકવાણા નામના બે શખ્સ ધસી આવ્યા હતા.
આ શખ્સોએ નાસ્તાની લારી ખોલતા નહીં તેમ કહી ઝઘડો શરૂ કર્યા પછી નરેશભાઈના પિતા ઝીકાભાઈને ગાળો ભાંડી હતી અને વિનોદે ધોકો તેમજ હરેશે લાકડી ફટકારી હતી. આ વેળાએ ઘરમાં હાજર મનુબેને ધોકો પકડી લેતા વિનોદે તેઓને પણ ધોકો મારવા ઉપરાંત હાથમાં બચકુ ભરી લીધુ હતું. જાનથી મારી નાખવાની ધમકી આપી આ શખ્સો નાસી ગયા હતા. નરેશભાઈએ શેઠવડાળા પોલીસ સ્ટેશનમાં તેની ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
