Author: નોબત સમાચાર
જામરાવલ ન.પા.માં ભ્રષ્ટાચારના આક્ષેપ સાથે કોંગ્રેસનું આંદોલનઃ વિરોધ પ્રદર્શન
વીડિયો બનાવનારને ચીફ ઓફિસરે ક્યા નિયમ હેઠળ જેલમાં નાખવાની ધમકી આપી?
ખંભાળિયા તા. ર૪: દ્વારકા જિલ્લાના જામરાવલ ન.પા. વિસ્તારમાં યુવાનોને જેલમાં નાખવાની ધમકી અપાયાના મુદ્દે કોંગ્રેસ દ્વારા આંદોલન સાથે શેરીઓમાં પાલિકાના ભ્રષ્ટાચાર વિરૂદ્ધ પ્રદર્શન કરીને ચીફ ઓફિસરને આક્રમક રજૂઆત કરવામાં આવી હતી.
થોડા જ સમયમાં રોડ બને અને થોડા સમયમાં વરસાદમાં ધોવાઈ જાય, ચીફ ઓફિસરને ભ્રષ્ટાચારી નથી દેખાતો કે તેઓ ભાગીદાર છે? નબળા કામો કરનાર કોન્ટ્રાક્ટરો તથા થર્ડ પાર્ટી ઈન્સ્પેક્શનો કરતી કંપનીઓને બ્લેક લિસ્ટ કરવા માગણી કરવામાં આવી છે.
રાવલ ન.પા.ને અનુ.જાતિના માટેની ગ્રાન્ટ મંજુર થઈ તે અન્ય વિસ્તારોમાં વપરાઈ છે તથા આ જ ગ્રાન્ટમાંથી કેટલાક કાગળ ૫ર કામો થયા છે. સ્મશાનમાં લાકડાનો ઓરડો જેવા રીસર ફેસીંગની કામગીરીમાં જેટલા રસ્તાના કામો થયા તેમાં તમામ રસ્તાઓ તૂટી ગયા ટેન્ડરની શરતોનું પાલન નથી છતાં તમામ બીલો ચૂકવાઈ ગયા. રામદેવપીર મંદિરથી ભૂતનાથ મંદિર રિસરફ્ેસીંગમાં ર૯ થી ૩૩ લાખની ગ્રાન્ટ વપરાઈ છે. રોડ તૂટી ગયો છે. આઈકોનિક રોડ, બાંકડા, ડસ્ટબીન, આઈ લવ માય રાવલ બોર્ડમાં પણ ભ્રષ્ટાચાર થયો છે. બે મહિના પહેલા બનેલ હનુમાનઘાટનો રસ્તો અત્યારે જર્જરિત છે. કચરો વાળવાનું મશીન તથા કમ્પોઝીંગ પ્લાન્ટનો ઉપયોગ થતો નથી. સ્મોક મશીનનો ઉપયોગ નથી થતો. ચોમાસમાં ખાડા પડતા તેમાં બનતો રસ્તો નબળો થતા યુવાનોએ વીડિયો બનાવતા ચીફ ઓફિસર દ્વારા જેલમાં નાખવાની ધમકીઓ અપાઈ હતી. આ ક્યા નિયમમાં છે કે ભ્રષ્ટાચાર ખુલો કરે તેને જેલમાં. વિગેરે મુદ્દાઓ અંગે કોંગ્રેસના પાલભાઈ કરમુર, દેવુ ગઢવી વગેરે જોડાયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
