Author: નોબત સમાચાર
મિત્ર સાથે અગાઉ ઝઘડો કરનાર શખ્સે સાથે ફરવાના ખારથી હાથ ભાંગી નાખ્યો
હુમલાખોર તથા તેના બે સાગરિત સામે ફરિયાદઃ
જામનગર તા. ૫: જામનગરના કાલાવડ નાકા બહાર આવેલી ગોલ્ડન સિટી સોસાયટીના ગેઈટ પાસે ગઈકાલે બપોરે એક યુવાનના બાઈકને રોકાવી બાઈકમાં ધસી આવેલા ત્રણ શખ્સે પાઈપથી હુમલો કરી હાથ ભાંગી નાખ્યો હતો. અગાઉ જેની સાથે માથાકૂટ થઈ હતી તેની સાથે આ યુવાન ફરતા હોવાથી તેનો ખાર રાખી હુમલો કરાયાનું પોલીસ ફરિયાદમાં જણાવાયું છે.
જામનગરના કાલાવડ નાકા બહાર આવેલા મોરકંડા રોડ પર સનસિટી સોસાયટી-રમાં રહેતા ફૈઝલ આરીફભાઈ શીકારી નામના સીદી બાદશાહ યુવાન ગઈકાલે બપોરે મોરકંડા રોડ પર આવેલી ગોલ્ડન સિટી સોસાયટી નજીકથી બાઈક પર જતા હતા ત્યારે મુસ્તુફા મહંમદ વજુગરા, બે અજાણ્યા શખ્સ ચઢી આવ્યા હતા.
અગાઉ ફૈઝલભાઈના મિત્ર દાનીશ અનવરભાઈ વગીંડાને કોઈ બાબતે મુસ્તુફા મહંમદ સાથે બોલાચાલી થઈ હતી. તે પછી દાનીશ અને ફૈઝલ સાથે ફરતા હોવાથી તેનો ખાર રાખી ગઈકાલે બપોરે બાઈક પર ધસી આવેલા મુસ્તુફા તથા બે સાગરિતે પાઈપથી હુમલો કરી માર માર્યાે હતો. જેમાં પાઈપનો ફટકો પગ તથા હાથમાં વાગી જતા ફૈઝલભાઈનો હાથ ભાંગી ગયો છે. અજાણ્યા શખ્સે નેફામાંથી છરી કાઢી હુલાવી દેવાનો પ્રયાસ કરતા ફૈઝલભાઈને ઈજા થઈ છે. સિટી એ ડિવિઝન પોલીસ સ્ટેશનમાં તેની ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
