જામનગરની ગાયત્રી શક્તિપીઠમાં ભાદરવી અમાસે પિતૃતર્પણનો કાર્યક્રમઃ નોંધણી શરૂ

Author: નોબત સમાચાર

જામનગરની ગાયત્રી શક્તિપીઠમાં ભાદરવી અમાસે પિતૃતર્પણનો કાર્યક્રમઃ નોંધણી શરૂ

આસો નવરાત્રિમાં અનુષ્ઠાન-મંત્રજાપઃ સામૂહિક યજ્ઞ યોજાશે

જામનગર તા. ૧૩: ગાયત્રી શક્તિપીઠ-જામનગરમાં પ્રતિવર્ષ ચૈત્ર માસ અને ભાદરવા માસની અમાસના દિવસે પિતૃ શાંતિ માટે સામૂહિક તર્પણનો નિઃશુલ્ક કાર્યક્રમ રાખવામાં આવે છે. તદ અનુસાર ચાલુ વર્ષે ભાદરવા માસની અમાસ નિમિત્તે રવિવાર તા. ૨૧-૯-૨૫ના રોજ સવારે ૮ થી ૧૦ સામૂહિક તર્પણ વિધિનો ધાર્મિક કાર્યક્રમ રાખવામાં આવેલ છે. આથી ઈચ્છુક વ્યક્તિઓએ ગાયત્રી શક્તિપીઠ કાર્યાલયમાં મોડામાં મોડુ તા. ૧૯-૯-૨૫ના રાત્રેે ૮ વાગ્યા સુધીમાં પોતાના નામ નોંધાવી દેવા ગાયત્રી શક્તિપીઠ જામનગરની યાદીમાં જણાવાયુ છે.

ચાલુ વર્ષે આસો માસની નવરાત્રિનું અનુષ્ઠાન ગાયત્રી શક્તિપીઠમાં તા. ૨૨-૯ થી તા. ૨-૧૦ સુધી સંપન્ન થશે. આથી અનુષ્ઠાન કરવા ઈચ્છતા ભાઈઓ/બહેનોને શક્તિપીઠ ના ધ્યાનખંડમાં આગલા દિવસે સાંજે ૫ થી ૬ દરમ્યાન સંકલ્પ વિધિ માટે હાજર રહેવા તથા ત્યાર બાદ અનુષ્ઠાન માટે સાંજે ૫ થી ૬ દરમ્યાન સંકલ્પ વિધિ માટે હાજર રહેવા તથા ત્યાર બાદ અનુષ્ઠાન માટે ગાયત્રી શક્તિપીઠમાં ગાયત્રી મંત્રના જાપ/માળા વહેલી સવારના ૪ વાગ્યાથી આખા દિવસ દરમ્યાન અનુકૂળતા મુજબ સંપન્ન કરવા હાર્દિક નિમંત્રણ છે. અનુષ્ઠાન પૂર્ણાહૂતિનો નવકુંડી સામૂહિક ગાયત્રી હવન ગાયત્રી શક્તિપીઠના ધ્યાનખંડમાં તા. ૨-૧૦ ના સવારે ૮ થી ૧૧ સુધી આયોજિત કરવામાં આવેલ છે. જેમાં ભાગ લેવા તથા દર્શનનો લાભ લેવા ગાયત્રી શક્તિપીઠએ જણાવ્યું છે.

જો આપને આ પોસ્ટ ગમી હોય તો શેર કરો...