Author: નોબત સમાચાર
મેરેથોન દોડનું મહાનુભાવોએ લીલીઝંડી બતાવી કરાવ્યું પ્રસ્થાનઃ લોકો જોડાયા
નશા મુક્તિ તેમજ ફિટ ઈન્ડિયાના સંકલ્પ સાથે જામનગરમાં
વડાપ્રધાન નરેન્દ્ર મોદીના જન્મદિવસ નિમિત્તે સેવા સપ્તાહની ઉજવણીના ભાગ રૂપે ભારતીય જનતા પાર્ટી યુવા મોરચા દ્વારા જામનગરમાં ગઈકાલે રવિવારે મેરેથોનનું આયોજન કરવામાં આવ્યું હતું, જેમાં ભાજપના આગેવાનો અને નગરજનો વિશાળ સંખ્યામાં જોડાયા હતાં. વડાપ્રધાન નરેન્દ્ર મોદીના જન્મદિવસ નિમિત્તે ભારતીય જનતા યુવા મોરચા દ્વારા સમગ્ર ભારતમાં ૭પ મેરેથોન દોડનું આયોજન કરવામાં આવ્યું હતું, જે પૈકી સહુથી વધુ યુ.પી. અને ગુજરાતમાં ૧૦ શહેરોમાં મેરેથોન દોડનું આયોજન કરવામાં આવ્યું હતું. જામનગર શહેરમાં નશા મુક્તિ અને ફિટ ઈન્ડિયાના ઉદ્દેશ્ય સાથે ગઈકાલે મેરેથોન યોજવામાં આવી હતી. અંડર ૧૯ ક્રિકેટ ટીમ કેપ્ટન જય રાવલિયા તથા કોમન વેલ્થ, ગોલ્ડ મેડલ મેળવનાર જીલ મકવાણાને જામનગર સ્તરે બ્રાન્ડ એમ્બેસેડર બનાવવામાં આવ્યા છે. નશામુક્તિ તથા ફિટ ઈન્ડિયાના મુખ્ય ઉદ્દેશ સાથે આ મેરેથોનનો આજે વહેલી સવારે પ્રારંભ થયો હતો, જેને મેયર વિનોદ ખીમસૂરિયા, સાંસદ પૂનમબેન માડમ, રાજ્ય સરકારના મંત્રી રાઘવજીભાઈ પટેલ, ધારાસભ્ય દિવ્યેશ અકબરી અને રિવાબા જાડેજા, શહેર ભાજપ પ્રમુખ બીનાબેન કોઠારી વિગેરે દ્વારા ઝંડી બતાવીને પ્રારંભ કરવામાં આવ્યો હતો. શહેરના લાલબંગલાથી શરૂ થયેલ આ મેરેથોન દોડ ગુરુદ્વારા ચોકડી-દાંડિયા હનુમાન વાલ્કેશ્વરી-શરૂસેક્શન રોડ, સાત રસ્તાથી લાલબંગલો સુધી પહોંચી ત્યાં પૂર્ણ થઈ હતી. જેમાં જામનગર શહેરના દરેક નાગરિક, સામાજિક સંસ્થા, યુવાઓ, સેનાકર્મીઓ સહિતના લોકો મેરેથોનમાં જોડાયા હોવાનો દાવો કરાયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
