જામનગરના સ્વદેશી મેળામાં ઈકો ફ્રેન્ડલી વસ્તુઓ બની લોકોના આકર્ષણનું કેન્દ્ર

Author: નોબત સમાચાર

જામનગરના સ્વદેશી મેળામાં ઈકો ફ્રેન્ડલી વસ્તુઓ બની લોકોના આકર્ષણનું કેન્દ્ર

શણમાંથી બનાવેલી સુશોભનની ટકાઉ વસ્તુઓનું આકર્ષણઃ

જામનગર તા. ૧૭: જામનગર શહેરના પ્રદર્શન ગ્રાઉન્ડમાં યોજાયેલા સ્વદેશી મેળામાં ઈકો ફ્રેન્ડલી વસ્તુઓ લોકોના આકર્ષણનું કેન્દ્ર બની છે. હેન્ડીક્રાફ્ટની આઈટમોના સ્ટોલ પર નિધિબેન દવે નામના મહિલા દ્વારા ઈકો ફ્રેન્ડલી વસ્તુઓ બનાવવામાં આવે છે.

તેઓ જ્યુટમાંથી વિવિધ ડિઝાઈનના પર્સ, કીચેઈન સહિત સુશોભનની વસ્તુઓ બનાવે છે. જ્યુટ એટલે કે શણમાંથી બનાવેલી વસ્તુઓ જે ટકાઉ હોય છે અને સાથે સાથે ઈકો ફ્રેન્ડલી પણ હોય છે.

આ અંગે વિસ્તૃત માહિતી આપતા નિધિબેન દવે જણાવે છે કે, જામનગર મહાનગરપાલિકા દ્વારા અમને સ્વદેશી વસ્તુઓના વેંચાણ માટે વિનામૂલ્યે સ્ટોલ ફાળવવામાં આવ્યો છે. અહીં હું ઈકો ફ્રેન્ડલી વસ્તુઓનું વેંચાણકરૂ છું, જેમાંથી જ્યુટમાંથી બનાવેલા અલગ અલગ બેગ અને પર્સ, કીચેઈન અને ફ્લાવર્સ છે. જેનું અહીં વેંચાણ કરીએ છીએ. ભારત સરકારનો હું આભાર વ્યક્ત કરૂ છું કે, દિવાળીના તહેવાર દરમિયાન સ્વદેશી અભિયાનને વેગવંતુ બનાવી અમારા જેવા ઘણાં લોકોને રોજગારી પ્રાપ્ત કરવાનો મોકો મળ્યો છે. આપણે સૌએ સ્વદેશી અભિયાનના સૂત્રને સાર્થક કરવું જઈએ. મારા સ્ટોલ પર પણ ઘણા ગ્રાહકો આવે છે અને મને સારી આવક મળી રહી છે.

જો આપને આ પોસ્ટ ગમી હોય તો શેર કરો...