Author: નોબત સમાચાર
વીજચોરીના આરોપમાં સાડા ત્રણ વર્ષની કેદ અને રૂ.ર૭.૫૦ લાખનો ફટકારાયો દંડ
પુરવણી બીલથી છ ગણો દંડ ભરવા હુકમઃ
જામનગર તા. ૪: જામનગરના નવાગામ ઘેડ વિસ્તારમાં કેટલાક સમય પહેલાં વીજચોરી ઝડપી લેવામાં આવી હતી. તે આરોપનો સામનો કરતા આસામીને ત્રણ કેસમાં કુલ સાડા ત્રણ વર્ષની કેદ તથા પુરવણી બીલનો છ ગણો દંડ અદાલતે ફટકાર્યાે છે.
જામનગરના નવાગામ ઘેડ વિસ્તારમાં આવેલી મદીના મસ્જિદ પાસે થોડા સમય પૂર્વે પીજીવીસીએલની ચેકીંગ ટૂકડીએ હાથ ધરેલા વીજ ચેકીંગમાં સલીમ ઓસમાણ સફીયા નામના આસામીના મકાનમાં ચકાસણી કરાઈ હતી.
આ વેળાએ સલીમ ઓસમાણ વીજ ગ્રાહક ન હોવા છતાં ગેરકાયદેસર રીતે વીજળી મેળવી તેનો વપરાશ કરતા મળી આવ્યા હતા. તેથી સલીમ ઓસમાણ સામે કાનુની પ્રક્રિયા ઘડી જુદા જુદા ત્રણ પુરવણી બીલ ફટકારવામાં આવ્યા હતા.
ઈલેકટ્રીકસિટી એક્ટની કલમ ૧૩૫ હેઠળ નોંધાયેલો આ કેસ ચાલી જતાં અદાલતે આ આરોપીને ત્રણ કેસમાં કુલ ત્રણ વર્ષ અને છ મહિનાની કેદની સજા તથા પુરવણી બીલનો છ ગણો દંડ એટલે રૂ.ર૭ લાખ પર હજારનો દંડ ફટકાર્યાે છે. વીજ કંપની તરફથી વકીલ રાજેશ વશીયર તથા સરકાર તરફથી ડી.આર. ત્રિવેદી રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
