Author: નોબત સમાચાર
ધ્રોલમાં મટકીફોડ કાર્યક્રમમાં યુવાન પર નગરસેવિકાના પતિ સહિત ત્રણનો હુમલો
એક શખ્સે સાડા ચારેક તોલાનો ચેઈન ઝૂંટવ્યોઃ
જામનગર તા. ૧૯: ધ્રોલમાં જન્માષ્ટમીના દિવસે મટકીફોડ કાર્યક્રમમાં એક યુવાન પર નગરસેવિકાના પતિ અને બે અજાણ્યા શખ્સે હુમલો કરી માર મારી ફ્રેક્ચર કરી નાખ્યું હતું અને એક શખ્સે યુવાનના ગળામાંથી સાડા ચારેક તોલાનો સોનાનો ચેઈન ખુંચવી લીધો હતો. ઈજાગ્રસ્તે ફરિયાદ નોંધાવી છે.
ધ્રોલ શહેરમાં ભરવાડ શેરીમાં રહેતા અને ટ્રાન્સપોર્ટનો વ્યવસાય કરતા જયદીપ પૂનાભાઈ વરૂ નામના ભરવાડ યુવાન શનિવારે બપોરે ગાંધી ચોકમાં રાખવામાં આવેલા મટકીફોડ અને કેક કાપવાના પ્રસંગમાં હાજર હતા ત્યારે આ સ્થળે માનવ મહેરામણ ઉભરાઈ પડ્યો હતો.
આ વેળાએ થયેલી ધક્કામૂક્કી વચ્ચે ધ્રોલના કારાભાઈ ઘેલાભાઈ વરૂ નામના શખ્સે બહાર જતા રહેવાનું કહી બોલાચાલી કર્યા પછી કારાભાઈ તથા તેની સાથે રહેલા બે અજાણ્યા શખ્સે જયદીપભાઈને બહાર ખેંચી લઈ હુમલો કરી દીધો હતો.
ધ્રોલના ભારતીય જનતા પક્ષના મહિલા નગરસેવિકાના પતિ એવા કારાભાઈની સાથે રહેલા અજાણ્યા શખ્સે માથાના પાછળના ભાગે કોઈ હથિયાર ફટકારતા જયદીપભાઈ પડી ગયા હતા. તે પછી ઢીકાપાટુ વડે માર મારવામાં આવતા આ યુવાનની ઢાંકણીમાં ફ્રેક્ચર થઈ ગયું છે. કારાભાઈ સાથે રહેલા અન્ય અજાણ્યા શખ્સે નીચે પડી ગયેલા જયદીપભાઈના ગળામાંથી સાડા ચારેક તોલાનો સોનાનો ચેઈન ખુંચવી લીધો હતો. આ બાબતની રવિવારે ધ્રોલ પોલીસ મથકમાં જયદીપભાઈએ ફરિયાદ નોંધાવી છે. પોલીસે નગરસેવિકાના પતિ સહિત ત્રણ સામે ગુન્હો નોંધી તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
