પડાણામાં મહિલા પર ઘરમાં ઘૂસી એક શખ્સે હુમલો કરી ધમકી આપી

Author: નોબત સમાચાર

પડાણામાં મહિલા પર ઘરમાં ઘૂસી એક શખ્સે હુમલો કરી ધમકી આપી

વેરાડમાં પૂર્વ ભાગીદાર પર ત્રણ શખ્સનો હુમલોઃ

જામનગર તા. ૧૯: લાલપુરના પડાણા ગામે એક મહિલાના ઘરમાં ઘૂસી એક શખ્સે ગાળો ભાંડી ઢીકાપાટુથી માર મારવા ઉપરાંત તેણીને પતિ સાથે કોઈ વ્યવહાર ન રાખવાનું કહી ધમકી આપી હતી. જ્યારે ભાણવડના વેરાડમાં ભાગીદારી છૂટી થયા પછી પૂર્વ ભાગીદાર પર ત્રણ શખ્સે હુમલો કર્યાની પોલીસમાં ફરિયાદ કરાઈ છે.

લાલપુર તાલુકાના પડાણા ગામના તલાવડી વિસ્તારમાં વસવાટ કરતા વાલજીભાઈ ભીખાભાઈ ઢચા નામના શખ્સે ગઈ તા.૧૦ની રાત્રે જયાબેન માલસીભાઈ ઢચાના ઘેર જઈ ગાળો ભાંડ્યા પછી ઢીકાપાટુથી માર મારી ઈજા પહોંચાડી હતી અને તેણીને પતિ ભીમજી કારાભાઈ પરમાર સાથે સંબંધ રાખતી નહીં તેમ કહી જાનથી મારી નાખવાની ધમકી આપી હતી. દેવભૂમિ દ્વારકા જિલ્લાના વેરાડ ગામમાં રહેતા નિર્મળ કેશુભાઈ જોગલ નામના આસામીએ અગાઉ મિલન હમીરભાઈ કનારા સાથે ખેતપેદાશનો ધંધો ભાગીદારીમાં શરૂ કર્યાે હતો. ત્રણેક મહિના પહેલાં બંને ભાગીદાર છૂટા થયા હતા. તે બાબતનો ખાર રાખી ગઈકાલે સાંજે વેરાડમાં પાનની એક દુકાન પાસે નિર્મળ જોગલને રોકી લઈ લાકડીથી મિલન, તેના પિતા હમીરભાઈ તથા અજાણ્યા શખ્સે હુમલો કરી માર માર્યાે હતો અને ધમકી આપી હતી.

જો આપને આ પોસ્ટ ગમી હોય તો શેર કરો...