Author: નોબત સમાચાર
ઘર પાસે કચરો નાખવાના પ્રશ્ને મહિલા પર સોનિયાનગરમાં ત્રણ પાડોશી દ્વારા હુમલો
નવાગામ ઘેડમાં યુવાનને કાકાજીઓએ ધોકાવ્યોઃ
જામનગર તા. ૩૦: જામનગરના નવાગામ ઘેડમાં એક યુવાનને તેના ત્રણ કાકાજીએ ગાળો ભાંડી માર માર્યાે હતો અને વચ્ચે પડનાર યુવાનના માતાને પણ ઢીકાપાટુથી ઈજા પહોંડાઈ હતી. જ્યારે ઘર પાસે કચરો નાખવાના પ્રશ્ને એક મહિલાને સોનીયાનગરમાં બે મહિલા સહિત ત્રણ પાડોશીએ માર માર્યાે હતો.
જામનગરના નવાગામ ઘેડ વિસ્તારમાં આવેલી મસ્જિદ પાસે રહેતા અને ડ્રાઈવીંગનો વ્યવસાય કરતા યાસીન ફિરોઝભાઈ ખુરેશી ગઈરાત્રે પોતાના ઘરે આવ્યા ત્યારે ઘરમાં તેઓના કાકાજી રઝાક, ફિરોઝ અને રફીક હાજર હતા. આ શખ્સોએ યાસીન તથા તેની માતા અને પત્નીને ગાળો ભાંડી હતી.
તેઓને ગાળો બોલવાની ના પાડતા રફીકે પાઈપથી હુમલો કરી યાસીનને માથામાં ફટકો મારતા આ યુવાન પડી ગયા હતા. રઝાક અને ફિરોઝે ઢીકાપાટુથી માર માર્યાે હતો. બચાવવા માટે યાસીનના માતા વચ્ચે પડતા અને ટોળુ એકઠુ થઈ જતા ત્રણેય આરોપી ધમકી આપીને નાસી ગયા હતા.
જામનગરના ગાંધીનગર નજીક સોનીયાનગરમાં રહેતા અલ્પનાબેન દીપકભાઈ ઠાકોર નામના મહિલા ગુરૂવારે સાંજે કચરો નાખવા માટે નીકળ્યા ત્યારે બાજુમાં રહેતા સમીર માજોઠીએ ત્યાં કચરો ન નાખવો તેમ કહી ગાળો ભાંડી હતી. તે પછી યાસ્મીનબેન અને સીમરન દોડી આવ્યા હતા તેઓએ ઝઘડો કર્યા પછી યાસ્મીને ઢીકાપાટુથી માર માર્યાે હતો અને સીમરને ધક્કો મારીને પછાડી દીધા હતા. જ્યારે સમીરે માથામાં લોખંડની ઘોડી ફટકારી હતી. પોલીસે ગુન્હો નોંધી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
