Author: નોબત સમાચાર
કેનેડામાં બિશ્નોઈ ગેંગ દ્વારા ઉદ્યોગપતિની હત્યાઃ પંજાબી ગાયકના ઘરે અંધાધૂંધ ફાયરીંગ
સોશિયલ મીડિયા પર ગોલ્ડી ધિલ્લોને જવાબદારી સ્વીકારીઃ
ટોરેન્ટો તા. ૨૯ઃ કેનેડામાં ગેંગ વોર વધી રહી છે, ખાસ કરીને ભારતીય ગેંગસ્ટરોમાં જેમણે ત્યાં વિનાશ વેર્યાે છે. તાજેતરમાં ઘટનામાં, લોરેન્સ બિશ્નોઈ ગેંગે ફરી એકવાર કેનેડિયન ઉદ્યોગપતિ દર્શનસિંહ સહસીની હત્યા કરી દીધી. આ ઘટના પછી તરત જ ગેંગે પંજાબી ગાયક ચન્ની નટ્ટનના ઘરની બહાર ગોળીબાર કર્યાે. ગેંગે આ ઘટનાનો એક વીડિયો પણ બહાર પાડ્યો. બાદમાં બિશ્નોઈ ગેંગે ફેસબુક પોસ્ટમાં આ ઘટનાની ઔપચારિક જવાબદારી સ્વીકારી.
લોરેન્સ બિશ્નોઈ ગેંગના ગોલ્ડી ધિલ્લોને સોશિયલ મીડિયા પર બંને ઘટનાઓની જવાબદારી લીધી. પોતાની પોસ્ટમાં તેણે દાવો કર્યાે હતો કે ઉદ્યોગપતિ દર્શનસિંહની હત્યા તેની ગેંગ દ્વારા કરવામાં આવી હતી. કારણ કે, તે ડ્રગ્સના મોટા વેપારમાં સામેલ હતો. તેણે એમ પણ લખ્યું હતું કે બિશ્નોઈ ગેંગે તેને ત્યારે મારી નાખ્યો જ્યારે તેણે તેમને પૈસા આપવાનો ઈન્કાર કર્યાે અને તેમનો ફોન નંબર બ્લોક કરી દીધો.
બિશ્નોઈ ગેંગે એક જ દિવસમાં બે ઘટનાઓને અંજામ આપ્યો હતો અને અલગ અલગ સોશિયલ મીડિયા પોસ્ટ દ્વારા તેની જવાબદારી સ્વીકારી હતી. ચન્ની નટ્ટનના ઘરની બહાર ગોળીબાર બાદ, ગેંગે એક પોસ્ટમાં જણાવ્યું હતું કે, ગાયક ચન્ની નટ્ટન સાથે તેમની કોઈ વ્યક્તિગત દુશ્મનાવટ નથી, પરંતુ ગાયક સરદાર ખેરા સાથેની તેમની વધતી જતી નિકટતાને કારણે તેમને નિશાન બનાવવામાં આવ્યા હતા.
ગોલ્ડી ધિલ્લોને આ પોસ્ટમાં ચેતવણી પણ આપી હતી કે ભવિષ્યમાં સરદાર ખેરા સાથે કોઈપણ કામ કે સંબંધ બાંધનાર કોઈપણ ગાયક પોતાના નુકસાન માટે જવાબદાર રહેશે. આ પોસ્ટમાં સરદાર ખેરાને નુકસાન પહોંચાડવાની ધમકી પણ આપવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
