સતત તેરમાં વર્ષે પૂર્વ રાજ્યમંત્રી હકુભા જાડેજા દ્વારા નવરાત્રી અનુષ્ઠાનની આરાધના

Author: નોબત સમાચાર

સતત તેરમાં વર્ષે પૂર્વ રાજ્યમંત્રી હકુભા જાડેજા દ્વારા નવરાત્રી અનુષ્ઠાનની આરાધના

ભાતેલ ગામના આશાપુરા માતાજીના મંદિરના સાનિધ્યમાં

ખંભાળીયા તા. ૨૫: દેવભૂમિ દ્વારકા જિલ્લાના ખંભાળીયાના ભાતેલ ગામે જામનગરના પૂર્વ ધારાસભ્ય તથા પૂર્વ રાજ્યમંત્રી તથા રાજપૂત અગ્રણી ધર્મેન્દ્રસિંહ (હકુભા) જાડેજા દ્વારા આશાપુરા માતાજીના સાનિધ્યમાં પ્રથમ નોરતાથી નવરાત્રિ અનુષ્ઠાન શરૂ કરાયું છેે.

સતત તેર વર્ષથી અનુષ્ઠાન આઠમના હવન

હકુભા જાડેજા દ્વારા આશાપુરા માતાજીના મંદિર પાસે સતત તેર વર્ષથી નવરાત્રિ અનુષ્ઠાન કરવામાં આવી રહ્યું છે. નવરાત્રિ દરમ્યાન અગિયાર લાખ મંત્રોના જાપ વિદ્વાન બ્રાહ્મણો કરે છે તથા હવન અષ્ટમીના ....યજ્ઞ સવાલાખ આહુતિનો યોજાય છે.

વિદ્વાન બ્રાહ્મણો દ્વારા દર વર્ષે યજ્ઞમાં બપડી, કમળ કાકડી, બિલ્વપત્ર તથા કમળફળની પૂજાથી યજ્ઞ કરવામાં આવે છે. આ વખતે બિલ્વપત્રથી પૂજા યજ્ઞ થશે. ભાતેલ ગામ, ખંભાળીયા, તથા જામનગર અને સૌરાષ્ટ્ર ભરમાંથી આ નવરાત્રિ અનુષ્ઠાનનો લાભ લેવા અગ્રણીઓ ભાતેલ આવે છે. તથા આ ધાર્મિક કાર્યનો ધર્મલાભ મેળવે છે. વિશ્વશાંતિ તથા માનવસમાજના કલ્યાણ માટે તથા ભાતેલ ગામના કલ્યાણ માટે તેર વર્ષથી પ્રતિ વર્ષ નવરાત્રિમાં આ અનુષ્ઠાન તથા હવન થાય છે.

જો આપને આ પોસ્ટ ગમી હોય તો શેર કરો...