Author: નોબત સમાચાર
સાસુના બંગલા નીચે આવેલા પ્લે હાઉસમાં વીજજોડાણ માટે પુત્રવધૂની અરજી કરાઈ રદ્દ
સાસુ તથા પતિ હૈયાત હોવાની દલીલ ગ્રાહ્યઃ
જામનગર તા. ૨૩: જામનગરના એક મહિલાએ પોતાના સાસુના બંગલા નીચે શરૂ કરેલા પ્લે હાઉસમાં વીજ જોડાણ પોતાના નામથી મેળવવા શરૂ કરેલી તજવીજમાં અદાલતમાં દાવો કરી જોડાણ માટે વચગાળાનો હુકમ આપવા અરજી કરી હતી. તે અરજી અદાલતે નકારી કાઢી છે.
જામનગરના રહેવાસી અને ૫ૂર્વ નાયબ મામલતદાર મૃદુલાબેન ગુલાબચંદ ગોસરાણી નામના મહિલાના પુત્રવધૂ વેજલબેન ભાવિકભાઈ શાહે સાસુના બંગલા નીચે આવેલી જગ્યામાં જે તે વખતે પ્લે હાઉસ શરૂ કર્યું હતું. તે પછી સાસરામાં વિવાદ થતાં વેજલબેને તે પ્લે હાઉસમાં પોતાના નામનું વીજ જોડાણ મેળવવા અદાલતમાં દાવો કર્યાે હતો અને તાત્કાલિક વીજ જોડાણ આપવામાં આવે તે માટે વચગાળાનો હુકમ આપવા અરજી કરી હતી.
તે દાવા અન્વયે મૃદુલાબેન તરફથી કેટલીક તકરાર ઉઠાવવામાં આવી હતી. જેમાં તેઓએ જણાવ્યું હતું કે, સાસુની મિલકતમાં પુત્રવધૂનો પ્લે હાઉસનો કબજો પ્રસ્થાપિત થતો નથી તેથી વેજલબેન કાયદાકીય રીતે ત્યાં વીજ જોડાણ મેળવવા હક્કદાર નથી અને જ્યાં સુધી પતિ અથવા સાસુ હૈયાત હોય ત્યાં સુધી વહુનો (પુત્રવધૂ)નો વારસો કાનુની રીતે ખૂલતો નથી. તે દલીલ ગ્રાહ્ય રાખી અદાલતે વેજલબેનની વીજ જોડાણ મેળવવાની વચગાળાના હુકમ આપવાની અરજી રદ્દ કરી છે. મૃદુલાબેન તરફથી વકીલ બિંદુલ શેઠ, નિશ શેઠ રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
