Author: નોબત સમાચાર
સિક્કામાં સ્કૂટરમાં ઈંગ્લીશ દારૂની ચાર બોટલ લઈને જતાં શખ્સની અટકઃ એકનું નામ ખૂલ્યું
જોગણીનગર તથા વેરાવળમાંથી ભઠ્ઠી પકડાઈઃ
જામનગર તા. ૬: જામનગરના સિક્કામાંથી પોલીસે એક સ્કૂટરમાં ઈંગ્લીશ દારૂની ચાર બોટલ લઈને જતાં શખ્સને દબોચી લીધો છે. તેણે સપ્લાયરનું નામ આપ્યું છે. જામનગરના જોગણીનગર તથા જામજોધપુરના વેરાવળમાંથી દેશી દારૂની બે ભઠ્ઠી મળી આવી છે.
જામનગર તાલુકાના સિક્કા ગામની ટીપીએસ કોલોનીમાં કલબ હાઉસ પાછળથી ગઈરાત્રે પસાર થતાં જીજે-૧૦-ડીસી ૫૦૬૦ નંબરના સ્કૂટરને પેટ્રોલિંગમાં રહેલા સિક્કા પોલીસ સ્ટેશનના સ્ટાફે રોકાવી તલાશી લેતા તેમાંથી ઈંગ્લીશ દારૂની ચાર બોટલ મળી આવી હતી.
પોલીસે બોટલ, રૂ.૨૦ હજારનું સ્કૂટર કબજે કરી સિક્કાની ભગવતી સોસાયટીવાળા કરણસિંહ પ્રભાતસિંહ જાડેજાની ધરપકડ કરી છે. આ શખ્સે મુંગણી ગામના સુરેન્દ્રસિંહ ભીખુભા કંચવા ઉર્ફે ઈલુ પાસેથી બોટલ લીધાની કબૂલાત આપી છે.
જામજોધપુરના વેરાવળ ગામની કારીધાર સીમમાં બાવળની ઝાળીઓમાં સલીમ ગુલમામદ રાવકરડા નામના શખસની દેશી દારૂની ભઠ્ઠી પર ગઈરાત્રે સ્થાનિક પોલીસે દરોડો પાડ્યો હતો. ત્યાંથી ૮૦૦ લીટર આથો, ૫૦ લીટર તૈયાર દારૂ તથા જીજે-૩-બીબી ૧૯૮૫ નંબરનું બાઈક મળી આવ્યું હતું. નાસી ગયેલા સલીમ ગુલમામદની શોધ કરાઈ રહી છે.
જામનગરના જોગણીનગરમાં વર્ષાબેન અમરતભાઈ કોળીના ઝૂંપડામાંથી પોલીસે દેશીની ભઠ્ઠી કબજે કરી છે. ત્યાંથી પણ આથો, દારૂ, ભઠ્ઠીના સાધનો મળી આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
