Author: નોબત સમાચાર
નિકાહની લાલચ આપી નગરના શખ્સે દોઢ વર્ષ સુધી શારીરિક શોષણ કર્યાની ફરિયાદ
જીવનસાથી શોધી આપતી સાઈટ પરથી થયો હતો સંપર્કઃ
જામનગર તા. ૧૩: જામનગરના એક શખ્સે દોઢેક વર્ષ પહેલાં જીવનસાથી શોધી આપતી એક સાઈટના માધ્યમથી મહારાષ્ટ્રની યુવતીનો સંપર્ક કર્યા પછી તેણીને નિકાહની લાલચ બતાવી, એક ફલેટમાં રાખી દુષ્કૃત્ય ગુજાર્યાની અને આ યુવતીના દાગીના તથા રૂ.૧ લાખ રોકડા પડાવી લેવા ઉપરાંત તેણીના નામે પાંચેક જેટલી લોન પણ મેળવી લીધી હતી. આ મામલો પોલીસમાં પહોંચ્યો છે. પોલીસે આરોપીની ધરપકડ કરી જેલહવાલે કર્યાે છે.
આ ચકચારી કિસ્સાની વિગત મુજબ મહારાષ્ટ્ર રાજ્યના એક ગામમાં રહેતી યુવતીને દોઢેક વર્ષ પહેલા લગ્ન માટેની એક સાઈટ પરથી જામનગરના ફિરોઝ આમદભાઈ મેંડા નામના શખ્સનો પરિચય થયો હતો. બંને એક જ કોમના હોવાથી બંને વચ્ચે વાતચીત થયા પછી આ યુવતીને નિકાહ કરી લેવાની લાલચ બતાવી ફિરોઝે વાતોમાં લીધી હતી.
ત્યારપછી આ યુવતી પોતાના ગામથી પુત્ર સાથે જામનગર આવી ગઈ હતી. તેણીને એક ફલેટમાં રાખી ફિરોઝ આમદભાઈ તેણીનું શારીરિક શોષણ કરતો હોવાનો આક્ષેપ આ યુવતીએ પોલીસ ફરિયાદમાં કર્યાે છે. વધુમાં તેણીએ ઉમેર્યું છે કે, દોઢ વર્ષના પરિચય દરમિયાન ફિરોઝે અવારનવાર દુષ્કર્મ ગુજારવા ઉપરાંત તેણીના દાગીના મેળવી લીધા હતા અને તેણીના નામે પાંચેક જેટલી લોન મેળવી લીધી હતી અને રૂપિયા એકાદ લાખ રોકડા પણ પડાવી લીધા હતા.
નિકાહની લાલચ આપ્યા પછી હાલમાં ફિરોઝ પોતાની વાત પરથી ફરી ગયો હતો અને પોતાના ભાઈ-બહેન સરકારી નોકરિયાત હોવાનું કહી આ શખ્સે તેણીને ધમકાવી પણ હતી. આખરે આ યુવતીએ સિટી સી ડિવિઝન પોલીસ સ્ટેશનમાં શનિવારે ફરિયાદ નોંધાવી હતી. ફરિયાદના પગલે પોલીસે આરોપીની ધરપકડ કરી જેલમાં ધકેલી દીધો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
