Author: નોબત સમાચાર
'કૌન બનેગા કરોડપતિ'માં રૂ. ૧ર.પ૦ લાખ જીતનાર દિપકભાઈનું જામનગરમાં અદકેરૂ સન્માન
બેન્ડવાજા-ફૂલહારથી સ્વાગત પછી નીકળી સન્માન યાત્રા
જામનગર તા. ર૮: ટીવી પરના સર્વાધિક લોકપ્રિય ગેઈમ શો 'કૌન બનેગા કરોડપતિ'માં જામનગરના યુવાન દિપક પુનાભાઈ જાદવે રૂ. ૧ર.પ૦ લાખની ધનરાશી જીતીને જામનગરની ટેલેન્ટને ગૌરવ અપાયું હતું.
ત્રિશાલી ગ્રુપ અને નવયુવાન ક્રિકેટ ખેલાડીઓ દ્વારા અગ્રણીઓની ઉપસ્થિતિમાં દિપકભાઈ જાદવનું વાજતેગાજતે ભવ્ય સન્માન કરવામાં આવ્યું હતું.
દિપકભાઈ જાદવનું તેમના પરિવારજનો સાથે પંચેશ્વર ટાવર ચોકમાં બેન્ડવાજા અને ફૂલહારથી સ્વાગત કર્યા પછી ત્યાંથી ત્રિશાલી ભાજીપાંઉ સુધી તેમની સન્માન યાત્રા યોજાઈ હતી. ત્રિશાલી ભાજીપાંઉ પાસે વિજેતા દિપકભાઈ જાદવ, તેમના પિતા પુનાભાઈ જાદવનું જાણીતા એડવોકેટ દિનેશભાઈ વિરાણી, પૂર્વ કોર્પોરેટર વિનુભાઈ ધ્રુવ, ભાજપના અગ્રણી દિલીપભાઈ ભોજાણી, કોર્પોરેટર અને સ્થાયી સમિતિના પૂર્વ અધ્યક્ષ સુભાષભાઈ જોષીના હસ્તે મોમેન્ટો, તસ્વીરો અર્પણ કરીને સન્માન કરવામાં આવ્યું હતું. આ પ્રસંગે ક્રિકેટ બંગલાના નવયુવાન ખેલાડીઓ મોટી સંખ્યામાં જોડાયા હતાં તેમજ ત્રિશાલી ગ્રુપના મહેન્દ્રસિંહ ચૌહાણ, ધનુભા રાઠોડ, બળુભા, કિરીટભાઈ, દિલી૫સિંહ જાડેજા, શિવુભા, ભીખુભા, ભરતસિંહ, ચેતન પટેલ, સૌરભ વોરા, નરેન્દ્રસિંહ (કેપ્ટન), ભરતભાઈ મથ્થર, દુદાભાઈ વિગેરે ઉપસ્થિત રહ્યા હતાં અને દિપક જાદવને અભિનંદન પાઠવ્યા હતાં. પંચેશ્વર ટાવર ચોકમાં યંગ સોશિયલ ગ્રુપના આગેવાનોએ ફૂલહાર કરી સન્માન કર્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
