Author: નોબત સમાચાર
રોટરી ક્લબ દ્વારા નિઃશુલ્ક 'પ્રભા ફૂટ' કૃત્રિમ પગ વિતરણ કેમ્પ
અકસ્માત કે ડાયાબિટીસના કારણે પગ ગુમાવનારાઓ માટે આયોજનઃ
જામનગરની રોટરી ક્લબ દ્વારા અકસ્માત કે ડાયાબિટીસના કારણે પગ ગુમાવ્યો હોય તેવા લોકોને નિઃશુલ્ક 'પ્રભા ફૂટ' કૃત્રિમ પગ વિતરણનો કેમ્પ યોજવામાં આવ્યો હતો. જેમાં પેટન્ટેડ ડિઝાઈનવાળા પ્રભા ફૂટ લગાવ્યા પછી લાભાર્થીને સામાન્ય સ્વસ્થ વ્યક્તિ જેમ ચાલવાની તાલીમ આપવામાં આવી હતી, જેથી લાભાર્થી પલોઠી વાળી બેસી શકે, દાદરા ચડી-ઉતરી શકે તેવી તાલીમ પેરેલલ બારની વ્યવસ્થા સાથે આપવામાં આવી હતી. આલંગ ઓટો એન્ડ એન્જિ. કંપની લિ. (ભાવનગર), રાજહંસ મેટલ્સ પ્રા. લિ. તથા માતૃશ્રી વિનોદબાળા હર્ષદભાઈ નાગોરી પરિવારના અનુદાનથી આયોજિત આ કેમ્પમાં ૩૮ લોકોને પ્રભા ફૂટ કૃત્રિમ પણ આપવામાં આવ્યા હતાં. આ કેમ્પ પ્રસંગે ભાજપ શહેર પ્રમુખ બીનાબેન કોઠારી, ડે. મેયર ક્રિષ્નાબેન સોઢા, શાસક જુથના નેતા આશિષભાઈ જોષી ખાસ હાજર રહ્યા હતાં. સાંસદ પૂનમબેન માડમ તથા સ્થાયી સમિતિના ચેરમેન નિલેશભાઈ કગથરાએ શુભેચ્છા પાઠવી હતી. રોટરી ડિસ્ટ્રીક્ટ ૩૦૬૦ ના આસી. ડિસ્ટ્રીક્ટ ગવર્નર નિલેશભાઈ ભોજાણી તેમના આયોજનથી પ્રભાવિત થયા હતાં. ક્યારેય કોઈને પણ કૃત્રિમ હાથ કે પગની જરૂર હોય તેવી વ્યક્તિએ જામનગરની રોટરી ક્લબનો સંપર્ક કરવા જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
