Author: નોબત સમાચાર
દ્વારકા જિલ્લામાં એક મહિનામાં પોલીસ તંત્રએ ઝડપ્યા ર૦ બોગસ ડોક્ટરઃ કોઈની મીઠી નજર!
ઊંઘતા ઝડપાયેલા આરોગ્ય તંત્રની લાપરવાહી કે સેટીંગ?
ખંભાળિયા તા. ૧૩: એક માસમાં વીસ બોગસ તબીબો પકડાયા હોવાથી દ્વારકા જિલ્લાના જાગૃત તંત્રએ આરોગ્ય વિભાગને ઊંઘતું ઝડપ્યું છે, અને તરેહ તરેહના સવાલો ઊઠી રહ્યા છે.
દેવભૂમિ દ્વારકા જિલ્લા પોલીસ વડા શ્રી જયરાજસિંહ વાળા તથા ડી.વાય.એસ.પી. વિસ્મય માનસેતા તથા એલ.સી.બી., એસ.ઓ.જી. સ્ટાફ તથા સ્થાનિક પોલીસ દ્વારા ચોક્કસ તૈયારી સાથે જિલ્લામાં બોગસ તબીબો સામે ઝુંબેશ રૂપે કાર્યવાહી કરતા એક માસના ટૂંકા સમયમાં વર્ષોથી ડોક્ટર ના હોવા છતાં ડોક્ટર તરીકે પ્રેક્ટિસ કરીને લોકોના આરોગ્ય સાથે ચેડાં કરતા વીસેક વ્યક્તિઓને પકડતા આરોગ્ય વિભાગ કે જેની જવાબદારી છે બોગસ ડોક્ટરો પકડવા તથા તેની સામે પગલાં લેવાની તેની કામગીરી સામે પ્રશ્નાર્થ સાથે ઊંઘતા ઝડપાયાની સ્થિતિ ભારે ચર્ચાપાત્ર બની છે.
આરોગ્ય વ્યવસાયમાં ખોટી ડીગ્રી કે કંઈ ડીગ્રી વગર વર્ષોથી આવા ડોક્ટરો કામ કરતા હોવા છતાં મોટાભાગના વિસ્તારો અને હવે તો ગ્રામ્ય પંથકમાં પણ આરોગ્ય કેન્દ્રો થઈ ગયા છે, ત્યારે આવા તબીબો ખોટા વર્ષોથી કામ કરે તે કઈ રીતે શક્ય બને? શું કોઈની છત્રછાયા કે મીઠી નજર હતી?
જો કે, લોકોના આરોગ્ય સાથે ચેડા કરનારા આવા બોગસ તબીબોને માત્ર પકડીને જ નહીં, તેમના ફોટા પણ પોલીસ તંત્રએ જાહેર કરીને તેમની સામે વિશેષ પોલીસ કલમો લગાડીને પગછાં પણ લેવાના શરૂ કર્યા છે, જેથી કરીને આવા બોગસ તબીબો ભવિષ્યમાં ફરી બોગસ તબીબનો રોલ ના ભજવા માંડે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
