Author: નોબત સમાચાર
શહેરમાં વૃક્ષછેદનની પ્રવૃત્તિ રોકવા 'ગ્રીન ખંભાળીયા' ની રજૂઆત
ખંભાળીયા તા. ૩૦: ખંભાળીયાની 'ગ્રીન ખંભાળીયા' નામની સંસ્થાએ વૃક્ષછેદનની પ્રવૃત્તિને રોકવા માંગણી કરી છે. ખંભાળીયા શહેર તથા આસપાસના વિસ્તારોમાં કેટલાક સમયથી એક યા બીજા ક્ષુલ્લક કારણોસર જુના વર્ષોના વૃક્ષોનું આડેધડ છેદન થતું હોય, તથા તેમાં મામલતદાર તથા પાલિકા કચેરીનું ઉદાસીન વલણ રહેતું હોય, અનેક વખત ખાલી મંજુરી લેટર માંગીને મંજુરી વગર વહેલી સવારે તોડી નાખે છે. વૃક્ષો કાપી નાખે છે. ગ્રીન ખંભાળીયાની ફરિયાદમાં માત્ર એકાદ હજારના દંડ કરીને કાર્ય કર્યાનો સંતોષ તંત્ર વ્યક્ત કરે છે. આથી ગ્રીન ખંભાળીયા કમિટી દ્વારા વનમંત્રીને ખંભાળીયામાં વૃક્ષ કાપવાની પરમીશન અંગે તંત્રો ગંભીરતા દાખવે તેવી માંગણી કરી છે. વૃક્ષને કાપવાની મંજુરી છેલ્લા વિકલ્પમાં અપાય તથા ગેરકાયદે વૃક્ષછેદન કરનાર સામે દાખલારૂપ અત્યંત કડક પગલાની કામગીરી કરવા માંગ કરી છે. હાલ ભણેલા ચાલાક અને અભણ અણસમજુ બંને પ્રકારના લોકો દ્વારા વૃક્ષછેદન કરાતું હોય, તાકીદે તંત્રો યોગ્ય કરે તેવી માંગણી કરાઈ છે. નહીં તો જુના ઘેઘુર છાંયેદાર વૃક્ષો ભૂતકાળ બની જશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
