Author: નોબત સમાચાર
ઓખામંડળના સુરજકરાડીમાંથી યુવતીનું અપહરણ કરનાર પાંચ આરોપી ઝડપાયા
ત્રણ વાહનમાં આવેલા આરોપીઓનું પરાક્રમઃ
ઓખા તા. ૧૭: મીઠાપુર નજીકના સુરજકરાડી ગામમાંથી સોમવારે સાંજે એક યુવતીનંુ પાંચ શખ્સે અપહરણ કરી લીધુ હતું. પોલીસે ગુન્હો નોંધી તાત્કાલિક શરૂ કરેલી તપાસમાં પાંચેય આરોપી ઝડપાઈ ગયા છે.
મીઠાપુર નજીકના સુરજકરાડી ગામમાં રહેતા એક યુવતી સોમવારે સાંજે પોતાના ભાઈની ઓફિસમાં હાજર હતા ત્યારે ત્યાં બે બાઈક તથા એક સ્કૂટરમાં ધસી આવેલા પાંચ શખ્સે આ યુવતીને બહાર બોલાવી તેણીનું બળજબરીથી અપહરણ કરી લીધુ હતું. આ બનાવની પોલીસમાં ફરિયાદ કરવામાં આવી હતી.
તાત્કાલિક હરકતમાં આવેલી મીઠાપુર પોલીસે અપહરણ કરનાર શખ્સોના સગડ દબાવ્યા હતા. જેમાં પોલીસે પાંચેય આરોપીઓને દબોચી લેવામાં સફળતા પ્રાપ્ત થઈ છે. પોલીસે કિશનભા ભાવુભા માણેક, મેહુલ ઉર્ફે ભૂરો કમલેશભાઈ પરમાર, કરણભા જેઠાભા કારા, ઉમેશભા અજુભા માણેક, કનૈયાભાઈ સામરાભાઈ હાથિયા નામના પાંચ શખ્સ ઝડપી લીધા હતા.
પોલીસે આ શખ્સોના કબજામાંથી બે બાઈક, એક સ્કૂટર તથા પાંચ મોબાઈલ સહિતનો મુદ્દામાલ કબજે કર્યાે છે. શખ્સો સામે પોલીસમાં અગાઉ પણ કેટલાક ગુન્હા નોંધાયેલા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
