બર્ફીલા પવનો ફૂંકાતા ઉ.ભારત ઠંડુગારઃ નવેમ્બરમાં જ કડકડતી ઠંડીથી હાહાકાર

Author: નોબત સમાચાર

બર્ફીલા પવનો ફૂંકાતા ઉ.ભારત ઠંડુગારઃ નવેમ્બરમાં જ કડકડતી ઠંડીથી હાહાકાર

બદ્રીનાથમાં તળાવો- ધોધ થીજી ગયાઃ કોલ્ડવેવનું એલર્ટ

નવી દિલ્હી તા. ૧૮: ગત વર્ષે ડિસેમ્બરમાં કડકડતી ઠંડી શરૂ થઈ હતી, જે પર્વતીય પ્રદેશોમાંથી ફૂંકાતા બર્ફીલા પવનોના કારણે નવેમ્બરમાં જ શરૂ થઈ ગઈ છે, અને ઉ.ભારતના કેટલાક સ્થળોમાં તળાવો અને ધોધ થીજી ગયા છે.

પર્વતીય પ્રદેશોમાંથી ફૂંકાતા બર્ફીલા પવનોને કારણે ઠંડીએ હાહાકાર મચાવ્યો છે. દિલ્હી, બિહાર, મધ્યપ્રદેશ અને રાજસ્થાન સહિત અનેક રાજ્યોમાં તાપમાન ઝડપથી ઘટી રહૃાું છે. ઉત્તરાખંડના બદ્રીનાથ મંદિરમાં, પારો માઈનસ ૮ ડિગ્રી સુધી ઘટી ગયો છે, જેના કારણે ધોધ અને તળાવો થીજી ગયા છે.

૨૦૨૧ પછી પહેલી વાર, રાજસ્થાનમાં નવેમ્બરમાં પારો ૫ ડિગ્રીથી નીચે ગયો છે. ફતેહપુરમાં છેલ્લા ૨૪ કલાકમાં સૌથી ઓછું ૪.૯ ડિગ્રી તાપમાન નોંધાયું હતું. રાજ્યભરના ૧૫ શહેરોમાં ૫ થી ૧૦ ડિગ્રી વચ્ચે તાપમાન નોંધાયું હતું. માઉન્ટ આબુમાં, ૧૫ વર્ષમાં પહેલી વાર નવેમ્બરમાં પારો માઈનસમાં પહોંચી ગયો છે, જેના કારણે ઝાકળના ટીપાં થીજી ગયા છે. ગયા વર્ષે, ૧૦ ડિસેમ્બર, ૨૦૨૪ના રોજ માઉન્ટ આબુમાં પહેલી વાર ઝાકળના ટીપાં બરફમાં ફેરવાઈ ગયા હતા.

આજે મધ્યપ્રદેશના ભોપાલ, ઇન્દોર અને રાજગઢ સહિત ૨૬ જિલ્લાઓમાં કોલ્ડવેવનું એલર્ટ આપવામાં આવ્યું છે. ઇન્દોરમાં આજથી સ્કૂલોનો સમય બદલીને સવારે ૯ વાગ્યા કરવામાં આવ્યો છે. ભોપાલમાં, નર્સરીથી આઠમા ધોરણ સુધીની શાળાઓ સવારે ૮:૩૦ વાગ્યા પછી શરૂ કરવાનો આદેશ આપવામાં આવ્યો છે.

ગઈકાલે દિલ્હીમાં ત્રણ વર્ષમાં સૌથી ઠંડી સવારનો અનુભવ થયો. સોમવારે સવારે દિલ્હીમાં લઘુત્તમ તાપમાન ૮.૭ ડિગ્રી નોંધાયું હતું. નવેમ્બરમાં અગાઉનું સૌથી ઓછું તાપમાન ૨૯ નવેમ્બર, ૨૦૨૨ના રોજ ૭.૩ ડિગ્રી હતું. પણ ધુમ્મસ છવાયું હતું.

મધ્યપ્રદેશમાં તીવ્ર ઠંડી શરૂ થઈ ગઈ છે. મંગળવારે તીવ્ર ઠંડીની લહેર આવવાની શક્યતા છે. ઈન્દોર, ભોપાલ, ગ્વાલિયર, દેવાસ, ઝાબુઆ, છિંદવાડા, સાગર, શહડોલ અને ખંડવામાં શાળાઓ ખુલવાનો સમયમાં ફેરફાર કરવામાં આવ્યો છે. ગઈકાલેે રાજ્યભરના નવ શહેરોમાં તાપમાન ૧૦ ડિગ્રીથી નીચે ગયું. રાજગઢમાં સૌથી ઓછું ૫ ડિગ્રી તાપમાન નોંધાયું હતું.

રાજસ્થાનમાં ઠંડીની અસરને કારણે ગઈકાલે તાપમાન ૫ ડિગ્રીથી નીચે આવી ગયું. દિવસની ઠંડી વધવાની સાથે, બિકાનેર, જોધપુર, બાડમેર અને ફલોદી સિવાય રાજસ્થાનના તમામ જિલ્લાઓમાં મહત્તમ તાપમાન ૩૦ ડિગ્રીથી નીચે રહૃાું. હવામાન વિભાગે ૧૮ નવેમ્બરના રોજ પાંચ જિલ્લાઓમાં ઠંડીનું યલો એલર્ટ જારી કર્યું છે. આગામી પાંચ દિવસ રાજ્યમાં હવામાન શુષ્ક રહેવાની ધારણા છે, ઠંડીથી કોઈ રાહત મળશે નહીં .

આજે રાત્રે હરિયાણામાં હવામાન બદલાશે તેવી શક્યતા છે. આજે રાત્રે વાદળછાયું વાતાવરણ રહેવાની શક્યતા છે, જેના કારણે રાત્રિના તાપમાનમાં વધારો થશે પરંતુ દિવસના તાપમાનમાં થોડો ઘટાડો થશે. હરિયાણામાં દિવસનું તાપમાન સામાન્યની નજીક રહે છે, પરંતુ રાત્રિના તાપમાનમાં ૪.૭ ડિગ્રી સુધીનો ઘટાડો જોવા મળી રહૃાો છે. ખાસ કરીને રાજસ્થાનની સરહદે આવેલા હરિયાણાના વિસ્તારોમાં લઘુત્તમ તાપમાન સતત ઘટી રહૃાું છે.

હિમાચલ પ્રદેશમાં સિમલા એકમાત્ર એવો જિલ્લો છે જ્યાં લઘુત્તમ તાપમાન ૧૦ ડિગ્રીથી ઉપર છે. બાકીના ૧૧ જિલ્લાઓમાં રાત્રિનું તાપમાન ૧૦ ડિગ્રીથી નીચે આવી ગયું છે. આનાથી ઊંચાઈવાળા વિસ્તારોમાં અને મેદાની વિસ્તારોમાં ઠંડી વધી રહી છે. શિમલાનું લઘુત્તમ તાપમાન ૧૦.૨ ડિગ્રી સુધી પહોંચી ગયું છે, જે સામાન્ય કરતાં ૨.૬ ડિગ્રી વધારે છે.

ઉત્તરાખંડના તમામ જિલ્લાઓમાં ઠંડા પવનો ફૂંકાઈ રહૃાા છે, જેના કારણે તાપમાનમાં ઝડપથી ઘટાડો થઈ રહૃાો છે. આ દરમિયાન, પહાડી વિસ્તારોમાં વાદળછાયું વાતાવરણ રહેશે, જેનાથી ઠંડીમાં વધારો થશે. બદ્રીનાથ ધામમાં તાપમાન માઈનસ ૮ ડિગ્રી સુધી ઘટી ગયું છે, જેના કારણે ઋષિગંગા ધોધ અને શેષનેત્ર તળાવો થીજી ગયા છે. બર્ફીલા પવનોને કારણે શેષનેત્ર તળાવ, ઋષિગંગા ધોધ અને અહીં વહેતી નદીઓ થીજી ગઈ છે. સ્થાનિક રહેવાસીઓ અને ભક્તો ભારે ઠંડીનો સામનો કરી રહૃાા છે.

જો આપને આ પોસ્ટ ગમી હોય તો શેર કરો...