તા. ૧૬-૦૨-૨૦૨૬ ના રોજ સવારે ૧૦ કલાકે...

આજના ટ્રેડિંગ સેશનમાં ભારતીય શેરબજારની શરૂઆત સ્પષ્ટ ઘટાડા સાથે થઈ હતી. વૈશ્વિક બજારોમાંથી મળેલા નકારાત્મક સંકેતો અને યુએસ બોન્ડ યીલ્ડમાં વધારાને કારણે રોકાણકારોમાં સાવચેતીભર્યો માહોલ રહ્યો. નિફ્ટી ૫૦ ગેપ-ડાઉન ખુલ્યો અને પ્રથમ કલાકમાં વેચવાલીનું દબાણ વધતા મહત્વપૂર્ણ સપોર્ટ ઝોનની નજીક સરક્યો. તે જ રીતે નિફ્ટી બેન્ક પણ પ્રાઈવેટ અને પીએસયુ બેન્કિંગ શેરોમાં નબળાઈને કારણે દબાણમાં રહ્યો. શરૂઆતમાં આઈટી અને ફાઇનાન્શિયલ્સ સેક્ટરમાં વેચવાલી વધુ જોવા મળી.

મિડકૅપ અને સ્મોલકૅપ સેગમેન્ટમાં પણ શરૂઆતમાં પ્રોફિટ બુકિંગ નોંધાયું, જેના કારણે માર્કેટ બ્રેડ્થ નબળી રહી. વધનાર શેરોની સંખ્યા ઘટનાર કરતાં ઓછી રહી - જે વ્યાપક નબળાઈ દર્શાવે છે.

એફઆઈઆઈ/ડીઆઈઆઈ અને વૈશ્વિક સંકેતો :

વૈશ્વિક સ્તરે યુએસમાં આવનારા આર્થિક આંકડા અને ફેડની વ્યાજદર નીતિ અંગે અનિશ્ચિતતા યથાવત્ છે. એશિયન બજારોમાં નરમાઈ જોવા મળતા તેનો પ્રભાવ ભારતીય બજાર પર પડ્યો.

પ્રારંભિક આંકડા મુજબ, એફઆઈઆઈ દ્વારા મર્યાદિત વેચવાલી નોંધાઈ, જ્યારે ડીઆઈઆઈ નીચલા સ્તરે પસંદગીના લાર્જકૅપ શેરોમાં ખરીદી કરતા જોવા મળ્યા. ડોમેસ્ટિક લિક્વિડિટી બજારને સંપૂર્ણપણે તૂટતા અટકાવી રહી છે - જે લાંબા ગાળાના વિશ્વાસનો સંકેત આપે છે.

કોમોડિટી બજાર :

ક્રૂડ ઓઈલ : જિયોપોલિટિકલ તણાવ અને સપ્લાય કન્સર્નને કારણે ભાવ મજબૂત રહ્યા છે. વધતા ક્રૂડ ભાવ મોંઘવારી અને રૂપિયામાં દબાણ લાવી શકે છે, જે બજાર માટે ટૂંકા ગાળે નકારાત્મક બની શકે છે.

સોનું અને ચાંદી : વૈશ્વિક અનિશ્ચિતતા વચ્ચે સોનું સેફ હેવન તરીકે મજબૂત રહ્યું છે. એમસીએક્સ પર સોનું અંદાજે રૂ।.૧,૫૪,૭૦૦/૧૦ ગ્રામ આસપાસ અને ચાંદી રૂ।.૨,૩૭,૧૦૦/કિલો નજીક ટ્રેડ થઈ રહી છે.

બેઝ મેટલ્સ : કોપર અને એલ્યુમિનિયમમાં વૈશ્વિક માંગ સુધારાના સંકેતોને કારણે સ્થિરતા જોવા મળી રહી છે, જે મેટલ સેક્ટરને સપોર્ટ આપે છે.

સ્થાનિક પરિબળો : રીઝર્વ બેન્ક ઓફ ઇન્ડિયા દ્વારા રેપો રેટ ૫.૨૫% પર યથાવત્ રાખવાનો નિર્ણય બજાર માટે અનુમાન મુજબ રહ્યો. આરબીઆઈનો ન્યુટ્રલ સ્ટાન્સ વ્યાજદર ઘટાડા અંગે ડેટા આધારિત અભિગમ દર્શાવે છે.

નાણાકીય વર્ષ ૨૦૨૬ માટે જીડીપી વૃદ્ધિનો અંદાજ ૭%થી વધુ જાળવાયો છે, જે ભારતની આર્થિક મજબૂતી દર્શાવે છે.

રૂપિયો ડોલર સામે ૯૦.૮૦ નજીક ટ્રેડ થઈ રહ્યો છે. વધતા ક્રૂડ ભાવ વચ્ચે આરબીઆઈના હસ્તક્ષેપથી સ્થિરતા જળવાઈ રહી છે.

ટેકનિકલ એનાલિસીસ :

બજારની માર્કેટ બ્રેડ્થ નબળી રહી, કુલ ૩૬૭૬ સ્ક્રિપોમાંથી ૧૪૪૬ વધનાર અને ૨૦૩૨ ઘટનાર શેર રહ્યા છે.

બેન્કિંગ અને આઈટી સેક્ટરમાં શરૂઆતમાં શોર્ટ બિલ્ડઅપના સંકેતો મળ્યા, જ્યારે મેટલ અને કન્ઝ્યુમર ડ્યુરેબલ્સમાં નીચલા સ્તરે ખરીદી નોંધાઈ.

નિફ્ટી ફ્યુચર ટ્રેન્ડ : નિફ્ટી ફ્યુચરમાં શરૂઆત ઉછાળે વેચવાલી ડાઉનટ્રેન્ડમાં જોવાં મળી છે. ટ્રેડિંગના સંદર્ભમાં જોઈએ તો ૨૫૪૦૪ પ્રથમ અને ૨૫૩૭૩ અતિ મહત્વના સ્ટ્રોંગ સપોર્ટ લેવલ છે. ઉપરની તરફ ૨૫૫૦૫ થી ૨૫૫૭૫ ની સપાટી સ્પર્શી શકે છે. ૨૫૬૦૬ પોઈન્ટ નજીક નવી પોઝિશન બનાવતી વખતે સાવધાનીપૂર્વક કામકાજ કરવાની સલાહ છે.

સ્ટોક સ્પેશિફિક ટ્રેન્ડ :

ગોદરેજ કન્ઝ્યુમર (૧૧૭૪) : પર્સનલ કેર સેક્ટરની આ અગ્રણી કંપનીનો શેર હાલમાં રૂ।.૧૧૬૦ આસપાસ ટ્રેડ થઈ રહ્યો છે. રૂ।.૧૧૪૭નો મજબૂત સપોર્ટ લેવલ ટૂંકા ગાળે નિર્ણાયક સાબિત થઈ શકે છે. જો આ સપોર્ટ જળવાઈ રહે તો સ્ટોકમાં ટેકનિકલ રિકવરી સાથે રૂ।.૧૧૯૭ થી રૂ।.૧૨૦૮ સુધીની અપસાઈડ જોવા મળી શકે છે. વોલ્યુમ સપોર્ટ અને ક્લોઝિંગ આધાર મહત્વપૂર્ણ રહેશે. રૂ।.૧૨૦૮ ઉપર સસ્ટેન થાય તો તેજીનો નવો તબક્કો શરૂ થવાની શક્યતા વધે છે.

જીન્દાલ સ્ટીલ (૧૧૭૩) : એ/ટી + વન ગ્રુપનો આ સ્ટોક રૂ।.૧૧૬૦ આસપાસ પોઝિટિવ બ્રેકઆઉટના સંકેતો આપી રહ્યો છે. રૂ।.૧૧૪૪નો સપોર્ટ મજબૂત માનવો. જો ભાવ આ લેવલ ઉપર જળવાઈ રહે તો રૂ।.૧૧૮૮ થી રૂ।.૧૧૯૫ સુધીની તેજી નોંધાઈ શકે છે. ગ્લોબલ મેટલ ભાવમાં સ્થિરતા સેક્ટરને ટેકો આપી રહી છે, જેથી ટૂંકા ગાળે ટ્રેડિંગ તકો દેખાઈ રહી છે.

ટાટા કન્ઝ્યુમર (૧૦૮૭) : ટી એન્ડ કોફી સેગમેન્ટમાં મજબૂત બ્રાન્ડ ધરાવતો આ રોકાણલક્ષી સ્ટોક રૂ।.૧૦૭૪નો પ્રથમ અને રૂ।.૧૦૬૦નો મજબૂત સપોર્ટ ધરાવે છે. સપોર્ટ જળવાઈ રહે તો રૂ।.૧૦૯૭ થી રૂ।.૧૧૦૮ સુધીની રિકવરી સંભાવ્ય છે. ડિફેન્સિવ સેક્ટર હોવાને કારણે બજારની અસ્થિરતા વચ્ચે પણ સ્થિર મૂવમેન્ટ આપી શકે છે.

કોટક બેન્ક (૪૨૧) : પ્રાઇવેટ બેન્ક સેક્ટરનો આ સ્ટોક ટ્રેડિંગલક્ષી રૂ।.૪૦૮ થી રૂ।.૪૩૪ની રેન્જમાં મૂવમેન્ટ દર્શાવી રહ્યો છે. અંદાજિત રૂ।.૪૦૪નો સ્ટ્રોંગ સપોર્ટ ખૂબ જ મહત્વપૂર્ણ રહેશે. રેન્જ બ્રેકઆઉટ મળે તો નવી દિશામાં ઝડપી મૂવ શક્ય છે, પરંતુ ત્યાં સુધી લેવલ-ટુ-લેવલ ટ્રેડિંગ અને કડક સ્ટોપલોસ અનિવાર્ય છે.

સેક્ટર મૂવમેન્ટ : બજાર હાલ સ્ટોક સ્પેસિફિક મૂવમેન્ટ દર્શાવી રહ્યું છે.

બેન્કિંગ : પ્રાઈવેટ બેન્કોમાં શરૂઆતથી જ વેચવાલીનું દબાણ જોવા મળ્યું. ઊંચા લેવલ્સ પરથી પ્રોફિટ બુકિંગ અને વૈશ્વિક સંકેતોની નબળાઈએ સેન્ટિમેન્ટ પર અસર કરી. તેમ છતાં, પસંદગીની લાર્જકૅપ બેન્કોમાં નીચલા સ્તરે ડીઆઈઆઈ ખરીદી નોંધાઈ રહી છે, જે દર્શાવે છે કે લાંબા ગાળાનો વિશ્વાસ યથાવત છે.

આઈટી : વૈશ્વિક માર્કેટમાં ટેક સ્ટોક્સ પર દબાણ અને કરન્સી મૂવમેન્ટને કારણે આઈટી સેક્ટર નબળાઈ દર્શાવી રહ્યો છે. યુએસ ક્લાયન્ટ એક્સ્પોઝર વધુ હોવાથી વૈશ્વિક મંદી અને ઓર્ડર ફ્લો અંગેની અનિશ્ચિતતા અસર કરે છે. તેમ છતાં, રૂપિયો નબળો રહે તો નિકાસ આધારિત કંપનીઓને મધ્યગાળે સપોર્ટ મળી શકે.

મેટલ : આંતરરાષ્ટ્રીય બજારમાં બેઝ મેટલ્સના ભાવમાં સુધારાની આશાએ પસંદગીના મેટલ શેરોમાં ઈન્ટ્રાડે રિકવરી જોવા મળી. ચીન તરફથી ડિમાન્ડ સ્ટિમ્યુલસની અપેક્ષા સેક્ટર માટે પોઝિટિવ ટ્રિગર બની શકે છે. ઊંચી વોલેટિલિટી હોવા છતાં ટેકનિકલ બ્રેકઆઉટ સ્ટોક્સમાં રસ વધ્યો છે.

કન્ઝ્યુમર ડ્યુરેબલ્સ : ઉનાળાની સિઝન નજીક આવતા એસી, કુલિંગ અને ઇલેક્ટ્રોનિક પ્રોડક્ટ્સ સંબંધિત શેરોમાં ખરીદી નોંધાઈ. ડોમેસ્ટિક માંગ મજબૂત રહેવાની અપેક્ષા સેક્ટરને ટેકો આપી રહી છે. આ સેગમેન્ટ ડિફેન્સિવ અને ગ્રોથ બંનેનો સંયોજન દર્શાવે છે.

બજારની ભાવિ દિશા :

ટૂંકા ગાળે બજારમાં વોલેટિલિટી યથાવત રહેવાની પૂરી સંભાવના છે. વૈશ્વિક સ્તરે બોન્ડ યીલ્ડ, ડોલર ઈન્ડેક્સ અને ક્રૂડના ભાવમાં થતી હલચલ ભારતીય બજારની દિશા પર સીધી અસર કરશે. ખાસ કરીને યુએસ મોંઘવારીના આંકડા અને વૈશ્વિક સેન્ટ્રલ બેન્કોની ટિપ્પણીઓ ટ્રેડર્સ માટે મુખ્ય ટ્રિગર બની શકે છે. જો મોંઘવારી નિયંત્રણમાં હોવાનું સંકેત મળે તો ઈન્ડેક્સમાં શોર્ટ કવરિંગ સાથે ઝડપી રિકવરી જોવા મળી શકે છે.

બાય ઓન ડીપ્સ વ્યૂહરચના હજી પણ માન્ય છે, પરંતુ તે પસંદગીના મજબૂત ફંડામેન્ટલ ધરાવતા સ્ટોક્સમાં જ અપનાવવી જોઈએ. લેવલ-ટુ-લેવલ ટ્રેડિંગ, પોઝિશન સાઇઝિંગ અને કડક સ્ટોપલોસ અત્યંત જરૂરી છે. લાંબા ગાળે ભારતની મજબૂત આર્થિક વૃદ્ધિ, વધતી ડોમેસ્ટિક લિક્વિડિટી અને સ્થિર નાણાકીય નીતિ બજાર માટે સકારાત્મક છે. જોકે ટૂંકા ગાળે ટ્રેડર્સે ઉતાવળા નિર્ણયો ટાળવા અને રિસ્ક મેનેજમેન્ટને પ્રાથમિકતા આપવી જોઈએ.