Author: નોબત સમાચાર
પ્રદર્શન ગ્રાઉન્ડના શ્રાવણી મેળામાં પ્લોટની ઓનલાઈન હરાજીમાં જામનગર મહાનગરપાલિકાને ૯૪ લાખની આવક
બાકીના નાના-મોટા પ્લોટની ઓફલાઈન હરાજીઃ ટેન્ડરો મંગાવાયા
જામનગર તા. ર૩: જામનગર મહાનગરપાલિકા દ્વારા આયોજિત લોકમેળામાં ઓનલાઈનની ટેન્ડર પ્રક્રિયામાં મહાનગરપાલિકાને ૯૪ લાખની આવક થઈ છે.
જામનગર મહાનગર પાલિકા દ્વારા પ્રદર્શન ગ્રાઉન્ડમાં આગામી શ્રાવણ માસના ૧પ દિવસ માટેના લોકમેળાનું આયોજન કરવામાં આવ્યું છે, જેની ઓનલાઈન ટેન્ડરની પ્રક્રિયા હાથ ધરવામાં આવી હતી, અને આજે સૌ પ્રથમ પાંચ લાખથી વધુની રકમના હોય તેવા ઓનલાઈન ટેન્ડર ખોલવામાં આવ્યા હતાં.
મશીન મનોરંજનના ૬ પ્લોટ તેમજ આઈસ્ક્રીમ બુથના ર પ્લોટ માટેની ઓનલાઈન ટેન્ડર પ્રક્રિયા પૂર્ણ કરવામાં આવી હતી, અને મેળાના ધંધાર્થીઓની હાજરીમાં જામનગર મહાનગરપાલિકાની કચેરીમાં ટેન્ડરો ખોલવામાં આવ્યા હતાં, જેમાં મશીન મનોરંજનના મોટા પ્લોટ તથા આઈસ્ક્રીમ સહિત ૮ પ્લોટ માટે મહાનગરપાલિકાને ૯૪ લાખની આવક થઈ છે.
બાકીના અન્ય નાના-મોટા પ્લોટ કે જેની હરાજી ઓફલાઈન કરવામાં આવી છે, અને તેના ટેન્ડરો ભરાઈને આવી ગયા પછી ર૪ તારીખે મહાનગરપાલિકાની કુલ કેટલી આવક થાય છે, તે જોવાનું રહેશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
