Author: નોબત સમાચાર
આણંદના કોંગ્રેસ નેતાની જાહેરમાં હત્યા
અજાણ્યા શખ્સે છરીના ઘા મારી ફરાર થયાઃ
આણંદ તા. ૧૯: આણંદના બાકરોલ વિસ્તારમાં આવેલ તળાવ પાસે આજે સવારે કોંગ્રેસના પૂર્વ કાઉન્સિલર ઈકબાલ મલેક ઉર્ફે બાલાની ચપ્પુના ઘા ઝીંકીને ઘાતકી હત્યા કરવામાં આવતા ચકચાર મચી ગઈ છે. આ ઘટનાની જાણ થતા જ આસપાસના લોકો દોડી આવ્યા હતાં અને તાત્કાલિક પોલીસને જાણ કરી હતી. પોલીસે ઘટનાસ્થળે પહોંચીને મૃતદેહને પોસ્ટમોર્ટમ માટે ખસેડી વધુ તપાસ હાથ ધરી છે.
મળતી માહિતી મુજબ પુર્વકાઉન્સિલર ઈકબાલ મલેક ર્ફે બાલા સવારે ચાલવા માટે બાકરોલ તળાવ પાસે ગયા હતાં. આ દરમિયાન અજાણ્યા શખ્સોએ તેમને આંતરી છરીના ઉપરાછાપરી ઘા ઝીંકી દીધા હતાં. હુમલા પછી શખ્સો ઘટના સ્થળેથી ફરાર થઈ ગયા હતાં. ગંભીર રીતે ઘાયલ ઈકબાલનું ઘટના સ્થળે જ મોત નિપજ્યું હતું.
હાલ પૂરતું હત્યા પાછળનું ચોક્કસ કારણ જાણી શકાયું નથી. પોલીસ આ મામલે તપાસ કરી રહી છે અને હત્યારાઓને પકડવા માટે ચક્રો ગતિમાન કર્યા છે. આ ઘટનાને પગલે ડીવાયએસપી સહિતનો પોલીસ કાફલો ઘટના સ્થળે દોડી આવ્યો હતો અને સ્થળ પર તપાસ કરી હતી. પોલીસે હત્યાનો ગુનો નોંધીને વધુ કાર્યવાહી હાથ ધરી છે.
પૂર્વ કાઉન્સિલરની હત્યાની ઘટનાને પગલે આણંદ કોંગ્રેસમાં શોકનો માહોલ છવાઈ ગયો છે. ઘટનાની જાણ થતા જ શહેરના કોંગ્રેસના નેતાઓ અને કાર્યકરો ઘટના સ્થળે દોડી આવ્યા હતાં. આ ઘટનાએ શહેરમાં ખળભળાટ મચાવી દધો છે અને લોકોમાં મયનો માહોલ ફેલાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
