Author: નોબત સમાચાર
રાજકોટ ડિવિઝનના બે કર્મચારીનું સન્માન
રેલવે સેફટીમાં ઉત્કૃષ્ટ કામગીરી કરનાર
રાજકોટ તા.૮: રેલવેની સેફટીમાં ઉત્કૃષ્ટ કામગીરી બદલ રાજકોટ ડિવિઝનના ૨ કર્મચારીને રાજકોટના ડિવિઝનલ રેલવે મેનેજર ગિરિરાજ કુમાર મીના દ્વારા ડીઆરએમ ઑફિસ, રાજકોટના કોન્ફરન્સ રૂમમાં પ્રશસ્તિ પત્ર આપીને સન્માનિત કરવામાં આવ્યા હતા.
આ પુરસ્કાર રાજકોટ ડિવિઝનના ઇલેક્ટ્રિકલ (ટ્રેક્શન) વિભાગના કર્મચારીઓને મે અને જુલાઈ, ૨૦૨૫ માં રેલવેની સલામતીમાં તેમના શ્રેષ્ઠ કાર્ય માટે આપવામાં આવ્યો છે. પુરસ્કાર મેળવનારા કર્મચારીઓમાં ઉદયસિંહ મીણા (ગુડ્સ ટ્રેન લોકો પાઇલટ, મુખ્ય મથક-હાપા) અને અરૂણકુમાર પાંડે (ગુડ્સ ટ્રેન લોકો પાઇલટ, મુખ્ય મથક-હાપા)નો સમાવેશ થાય છે. રેલવે કર્મચારી ઉદયસિંહ મીણાએ જાગૃત રહીને કામ કરતા સંભવિત અકસ્માતોને અટકાવવામાં મહત્ત્વની ભૂમિકા ભજવી હતી. ૧૯-૦૫-૨૫ના મોડપુરથી મારવાડ જઈ રહેલી ગુડ્સ ટ્રેનની તપાસ દરમિયાન તેમણે એક વેગનમાં સેન્ટર બફર કપલર પિન (જે બે વેગનોને એકબીજા સાથે જોડી રાખે છે) તૂટેલી જોઈ અને તાત્કાલિક પગલાં લીધા હતાં.
રેલવે કર્મચારી અરુણ કુમાર પાંડેએ ૨૭-૦૭-૨૫ના હાપાથી મોડપુર જઈ રહેલી ગુડ્સ ટ્રેનમાં ફરજ દરમિયાન મોડપુર સ્ટેશન પર કાંટા નંબર ૧૨૯માં અસામાન્યતા જોઈ અને તેમણે તરત જ ટ્રેન રોકીને એક મોટી દુર્ઘટના થતી અટકાવી. તેમણે તાત્કાલિક ફરજ પરના સ્ટેશન માસ્ટરને જાણ કરી હતી. અને ત્યારબાદ સ્ટેશન માસ્ટરે આગળની કાર્યવાહી શરૂ કરી.
આમ, આ બંને કર્મચારીએ ફરજ પ્રત્યે નિષ્ઠાનું ઉત્તમ ઉદાહરણ પૂરું પાડ્યું અને તેમની સતર્કતાથી એક સંભવિત અસામાન્ય ઘટના ટળી ગઈ હતી. આ પ્રસંગે રાજકોટ ડિવિઝનના વરિષ્ઠ ડિવિઝનલ સેફટી અધિકારી રમેશચંદ મીણા અને વરિષ્ઠ ડિવિઝનલ ઇલેક્ટ્રિકલ એન્જિનિયર (ટીઆરડી) જીતેન્દ્ર કુમાર મંગલ ઉપસ્થિત રહૃાા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
