Author: નોબત સમાચાર
મૈત્રીકરારવાળી મહિલા અંગે તપાસ કરી આપનાર મહિલા, તેના પતિને ધમકી
ખાનકોટડામાં બે શખ્સે યુવાનને ધમકાવ્યોઃ
જામનગર તા. ૨૩: જામનગરમાં એક દંપતીને ફોન કરી એક શખ્સે ગાળો ભાંડવા ઉપરાંત પતાવી દેવાની ધમકી આપી હતી. આ શખ્સ જે મહિલા સાથે મૈત્રીકરાર કરીને રહેતો હતો તે મહિલાનું છૂટું થયું છે કે કેમ? તે આ દંપતી પૈકીના મહિલાએ કરાવતા મામલો બીચક્યો હતો. જ્યારે કાલાવડના ખાનકોટડામાં એક યુવાનને બે શખ્સે ધમકાવ્યો હતો.
જામનગરના ગુલાબનગર સામે આવેલા મોહનનગરમાં આવાસની પાંચ નંબરની બિલ્ડીંગમા વસવાટ કરતા રાજેશભાઈ બાબુભાઈ ચૌહાણ નામના ભોઈ યુવાનના પત્નીને રાજપાર્કની શેરી નં.રમાં રહેતા પવન હિતેશભાઈ ચૌહાણ નામના શખ્સે ફોન કરી ગાળો ભાંડી જાનથી મારી નાખવાની ધમકી આપી હતી.
આ શખ્સ એક મહિલા સાથે મૈત્રીકરાર કરીને રહેતો હતો તેના માતાએ રાજેશભાઈના પત્નીને આ મહિલાનું છૂટુ થયું છે કે કેમ તે બાબતે તપાસ કરી આપવા કહેતા અને રાજેશભાઈના પત્નીએ તેની તપાસ કરીને પવનના માતાને કહેતા પવનને તેની જાણ થઈ હતી અને તેથી ઉશ્કેરાયેલા પવને ફોન કરીને રાજેશભાઈ તથા તેમના પત્નીને ધમકી આપી હતી. પોલીસે ગુન્હો નોંધ્યો છે.
કાલાવડના ભગવતીપરામાં વસવાટ કરતા ધર્મેશભાઈ ભીમજીભાઈ રાખોલીયા ગઈકાલે સવારે ખાનકોટડા ગામમાં તેની કંપનીના માણસોને મૂકીને કાલાવડ પરત ફરતા હતા. લાલજી ગમારા અને રાજા રાઠોડ નામના બે શખ્સે રોકી લઈ હવે અહીંથી નીકળ્યો તો સારાવાટ નહીં રહે તેમ કહી ગાળો ભાંડી પતાવી દેવાની ધમકી આપી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
