Author: નોબત સમાચાર
દ્વારકા હાઈ-વે પર ગમખ્વાર અકસ્માત થતા ઘટના સ્થળે એકનું મોતઃ ત્રણ ગંભીર
બોટાદથી દ્વારકા દર્શને જઈ રહેલા મિત્રોને
જામનગર તા.૨૩: બોટાદથી દ્વારકા દર્શને જઈ રહેલા ચાર મિત્રોને આજે દ્વારકા નેશનલ હાઈવે પર ગમખ્વાર અકસ્માત નડ્યો હતો. જામખંભાળિયાના દાંતા ગામ નજીક તેમની સ્વીફ્ટ કાર પલટી મારી જતાં એક વ્યક્તિનું ઘટનાસ્થળે જ મોત નીપજ્યું હતું, જ્યારે અન્ય ત્રણ મિત્રો ગંભીર રીતે ઘાયલ થયા હતા. ઘટનાની જાણ થતાં પોલીસ તાત્કાલિક ઘટનાસ્થળે દોડી આવી હતી અને કાર્યવાહી હાથ ધરી હતી.
પ્રાથમિક માહિતી મુજબ, બોટાદના ચાર મિત્રો પોતાના ખાનગી વાહનમાં દ્વારકા જવા નીકળ્યા હતા. જામખંભાળિયાના દાંતા ગામ નજીક વાહનચાલકે સ્ટીયરીંગ પરથી કાબૂ ગુમાવતા કાર પલટી ખાઇને ઊંધી વળી ગઈ હતી. આ અકસ્માતમાં રવી પટેલ નામના યુવકનું કરૂણ મોત નીપજ્યું હતું, જ્યારે અન્ય ત્રણ મિત્રોને ગંભીર ઇજાઓ પહોંચી હતી. ઇજાગ્રસ્તોને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યા છે.
ઘટનાની જાણ થતાં જ પોલીસ કાફલો ઘટનાસ્થળ પર પહોંચી ગયો હતો. પોલીસે મૃતદેહનો કબજો લઈ પોસ્ટમોર્ટમ માટે મોકલી આપ્યો હતો અને કાર ચાલક વિરુદ્ધ અકસ્માતનો ગુનો નોંધી વધુ તપાસ હાથ ધરી છે. વાહનચાલકની બેદરકારીના કારણે આ અકસ્માત સર્જાયો હોવાનું પ્રાથમિક દૃષ્ટિએ જણાઈ રહૃાું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
