Author: નોબત સમાચાર
જામનગરમાં પોલીસ દ્વારા ફીટ ઈન્ડિયા મુવમેન્ટ તથા સન્ડે ઓન સાયકલ કાર્યક્રમ
કલેક્ટર-એસપીએ લીલીઝંડી બતાવી પ્રસ્થાન કરાવ્યું:
ફીટ ઈન્ડિયા મુવમેન્ટ સન્ડે ઓન સાયકલ અંતર્ગત ગઈકાલે જામનગરમાં પોલીસ વિભાગ દ્વારા સાયકલીંગનું આયોજન કરવામાં આવ્યું હતું. જેમાં જિલ્લા કલેક્ટર, ઈન્ચાર્જ જિલ્લા પોલીસ અધિક્ષક સહિતના અધિકારીઓ અને નગરજનો જોડાયા હતા. આ રેલીનું કલેક્ટર અને ઈન્ચાર્જ પોલીસવડા દ્વારા ઝંડી બતાવી પ્રસ્થાન કરાવવામાં આવી હતી. જામનગર જિલ્લા પોલીસ દ્વારા ફીટ ઈન્ડિયા મુવમેન્ટ અને સન્ડે ઓન સાયકલીંગ અંતર્ગત આયોજિત કાર્યક્રમ ગઈકાલે વહેલી સવારે યોજાયો હતો. જેમાં જિલ્લા કલેકટર કેતન ઠક્કર, ઈન્ચાર્જ પોલીસવડા વગેરે દ્વારા ઝંડી બતાવીને સાયકલસવારોને પ્રસ્થાન કરાવવામાં આવ્યું હતું. આ કાર્યક્રમમાં કલેક્ટર ઉપરાંત જિલ્લા પોલીસવડા, અધિક કલેક્ટર, નાયબ કલેક્ટર, પોલીસ અધિકારીઓ, કર્મચારીઓ, હોમગાર્ડઝ જવાનો, જેલ વિભાગના કર્મચારીઓ, નગરજનો વગેરે જોડાયા હતા. આશરે ૨૦૦ જેટલા સાયકલ સવારોએ પાંચ કિ.મી.ના રૂટ પર સાયકલીંગ કરીને જાગૃતિ માટેનો સંદેશો આપ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
