Author: નોબત સમાચાર
કાલાવડના સરકારી દવાખાનામાં રાત્રે ચાર શખ્સે ધમાલ કરી બીભત્સ ગાળો ભાંડી
૧૦૮ મોડી કેમ આવી તેમ કહી ઉશ્કેરાયાઃ
જામનગર તા. ૧૧: કાલાવડના સરકારી દવાખાનામાં મંગળવારે રાત્રે ફરજ પર રહેલા એક તબીબને તથા સ્ટાફને ઉશ્કેરાયેલા ચાર શખ્સે ગાળો ભાંડવા ઉપરાંત એક તબીબને અન્ય દર્દીની સારવાર માટે પણ ન જવા દેતા પોલીસમાં ફરિયાદ કરાઈ છે. આ શખ્સોએ ૧૦૮ ટાઈમ પર કેમ ન આવે તેમ કહી ધમાલ મચાવી હતી.
કાલાવડ શહેરમાં વસવાટ કરતા અને કાલાવડના કોમ્યુનિટી હેલ્થ સેન્ટર (સરકારી દવાખાના)માં ઈન્ચાર્જ અધિક્ષક તરીકે ફરજ બજાવતા ડો. રોહિત પી. નકુમે કાલાવડના જ નવઘણ સોલંકી, મહંમદ હુસેન ઉર્ફે ભોલા, અમજદખાન પઠાણ તથા વાલશી ગઢવી સામે ગઈકાલે કાલાવડ શહેર પોલીસ સ્ટેશનમાં ફરિયાદ નોંધાવી છે.
ફરિયાદમાં જણાવવામાં આવ્યા મુજબ મંગળવારની રાત્રે બારેક વાગ્યે રાત્રે ઉપરોકત ચારેય શખ્સ કાલાવડના કોમ્યુનિટી હેલ્થ સેન્ટરમાં પહોંચી ગયા હતા અને ત્યાં જઈ ૧૦૮ ટાઈમ પર કેમ આવી નહી તેમ કહી ડો. રોહિત નકુમ તથા અન્ય તબીબી સ્ટાફને આ શખ્સોએ ગાળો ભાંડી હતી.
તે ઉપરાંત એક દર્દીને ડિલિવરી કરાવવાની ફરજ પર જવા ઈચ્છતા ડો. રોહિતને ત્યાં જવા નહીં દઈ આ વ્યક્તિઓએ તેઓની ફરજમાં રૂકાવટ કરી હતી અને તને કાલાવડમાં નોકરી કરવા નહીં દઈએ તેમ કહી ધમકી આપી હતી. પોલીસે ચારેય સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
