Author: નોબત સમાચાર
દ્વારકા જિલ્લામાં મહિલા અને બાળ આરોગ્ય દિવસ ઉજવાયોઃ યોજનાકીય માર્ગદર્શન
નારીવંદન ઉત્સવ હેઠળ
ખંભાળિયા તા. ૧૩: દેવભૂમિ દ્વારકા જિલ્લામાં નારી વંદન ઉત્સવ અંતર્ગત મહિલા અને બાળ આરોગ્ય દિવસની ઉજવણી કરાઈ હતી.
નારી વંદન ઉત્સવ અંતર્ગત જિલ્લા મહિલા અને બાળ અધિકારીની કચેરી, આઈ.સી.ડી.એસ. વિભાગ અને પ્રોજેક્ટ તુષ્ટિના સંકલનથી 'મહિલા અને બાળ આરોગ્ય દિવસ'ની ઉજવણી ખંભાળિયામાં કરવામાં આવીહતી. આ કાર્યક્રમમાં જિલ્લા મહિલા અને બાળ અધિકારી અને ઈન્ચાર્જ પ્રોગ્રામ ઓફિસર ડો. ચંદ્રેશકુમાર ડી. ભાંભી દ્વારા બાળકોના આરોગ્ય અને પોષણ જાળવણી તેમજ સંબંધીત યોજનાઓ વિશે માહિતી આપવામાં આવી હતી.
આ કાર્યક્રમમાં ઉપસ્થિતોને વિવિધ રમતોના માધ્યમથી આરોગ્ય અને પોષણ અંગેનું શિક્ષણ આપવામાં આવ્યું હતું. ખંભાળિયાના યોગ ટ્રેનર દિપ્તિબેન પાબારી દ્વારા સગર્ભાવસ્થા દરમિયાન કેવા પ્રકારના યોગા કરવાથી માતા અને બાળકની તંદુરસ્તી જળવાઈ રહે તે અંગે માર્ગદર્શન આપવામાં આવ્યું હતું. મહિલા આરોગય કાર્યકર ઝાંઝીબેન દ્વારા સ્તનપાનની યોગ્ય રીતો અંગે માહિતી આપવામાં આવી હતી.
આંગણવાડી કાર્યકરો દ્વારા ટેક હોમ રાશન અને મિલેટ્સમાંથી વિવિધ પૌષિક વાનગીઓનું નિદર્શન કરવામાં આવ્યું હતું. પ્રોજેક્ટ તુષ્ટિની કામગીરીથી માહિતગાર કરવામાં આવ્યા હતાં.
કાર્યક્રમમાં ખંભાળિયા તાલુકા વિકાસ અધિકારી કે.વી. શેરઠિયા, ઈન્ચાર્જ બાળ વિકાસ યોજના અધિકારી બીનાબેન સિમરિયા, જિલ્લા મહિલા અને બાળ અધિકારીની કચેરીને લગત તમામ કર્મચારીઓ, આઈ.સી.ડી.એસ. કચેરીના કર્મચારીઓ, પ્રોજેક્ટ તુષ્ટિની ટીમ, આંગણવાડી કાર્યકરો અને લાભાર્થીઓ હાજર રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
