Author: નોબત સમાચાર
ગુજરાતમાં સરકારી પ્રાથમિક પે સેન્ટર શાળાઓમાં શાળા સહાયકોની નિમણૂક થશે
રાજ્યના શિક્ષણ વિભાગ દ્વારા લેવાયો નિર્ણયઃ
ખંભાળીયા તા ૧: ગુજરાત રાજ્યના શિક્ષણ વિભાગ દ્વારા રાજયની પ્રાથમિક પે સેન્ટર શાળાઓ કે જેમના પર કામનો બોજ વધુ હોય છે આવી શાળાઓમાં અભ્યાસિક તથા સહઅભ્યાસિક પ્રવૃત્તિઓ કરવા તથા વહીવટી કામગીરી કરવા માટે શાળા સહાયકની નિયુક્તિ કરવા આયોજન થતા બેકાર ઉમેદવારોમાં આનંદની લાગણી ફેલાઈ રહી છે.
પ્રાથમિક વિભાગના નિયામક દ્વારા જિલ્લા શિક્ષણાધિકારીઓ તથા રાજ્યના શાસનાધિકારીઓને ખાસ પારિપત્ર કરીને રાજયની પ્રાથમિક શાળાઓમાં ગુણવત્તા વધારો કરવા તથા શાળામાં અભ્યાસિક તથા સહ અભ્યાસિક પ્રવૃત્તિઓ કરવા માટે કોમ્પ્યુટરની જાણકારી ધરાવતા હોય તેવા શિક્ષણ સહાયકને નીમવા પરિપત્ર થયો હતો. જેના અનુસંધાને નિયામકશ્રી પ્રાથમિક વિભાગ દ્વારા પરિપત્ર કરીને જિલ્લા શિક્ષણ સમિતિ તથા નગર પ્રાથમિક શિક્ષણ હસ્તકની પે સેન્ટરવાળી શાળાઓમાં શાળા સહાયક ઉપલબ્ધ કરવા માટે જે તે જિલ્લા કલેકટર તથા જિલ્લા વિકાસ અધિકારી દ્વારા માન્ય કરાયેલ એજન્સી મારફત ઠરાવની લાયકાત મુજબ શાળા સહાયક આઉટ સોર્સની મેળવવા પરિપત્ર કરાયો છે.
અનેેક આવા શાળા સહાયકોની લાયકાતવાળા કે જેઓ હાલમાં થયેલ શિક્ષણ સહાયકની ભરતીમાં મેરીટમાં રહી ગયા છે, તેમના માટે આવી જગ્યાઓ પરની ભરતી આશીર્વાદરૂપ બનશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
