Author: નોબત સમાચાર
વાડીનારના યુવાનના આત્મહત્યા પ્રકરણમાં દ્વારકા એસપી દ્વારા તપાસનો કરાયો આદેશ
આદેશ પછી મૃતદેહ સ્વીકારવામાં આવ્યોઃ
ખંભાળિયા તા. ૩૦: ખંભાળિયાના વાડીનારના એક યુવાને દારૂ પીવાના કેસમાં પકડાયા પછી પોલીસે પૈસા લઈને પણ માર માર્યાનું જણાવી ઝેરી દવા પીધા પછી આ યુવાનનું મૃત્યુ નિપજ્યું હતું. આ ચકચારી પ્રકરણમાં દ્વારકા એસપીએ તપાસનો હુકમ કર્યાે છે. તે પછી મૃતદેહ સ્વીકારવામાં આવ્યો છે. ખંભાળિયા તાલુકાના વાડીનાર નજીકના ભરાણા ગામમાં રહેતા કરણસિંહ જાડેજા નામના યુવાનને થોડા દિવસ પહેલાં પોલીસે નશાની હાલતમાં રખડતો પકડી લીધો હતો. ત્યારપછી આ યુવાનને પોલીસે માર મારી તોડ કર્યાનું કહેવાતું પ્રકરણ ચર્ચામાં આવ્યું હતું.
આ યુવાને પોલીસના મારથી વ્યથિત થઈ પોતાના ઘરે જઈ કોઈ ઝેરી દવા પી લીધી હતી. સારવાર માટે રાજકોટ અને ત્યાંથી જામનગરની જી.જી. હોસ્પિટલમાં ખસેડાયેલા કરણસિંહનું મૃત્યુ નિપજતા તેમના પરિવારે માર મારનાર પોલીસ કર્મચારીઓ સામે પગલાંની માગણી કરી મૃતદેહ સ્વીકારવાનો ઈન્કાર કરતા ખળભળાટ મચ્યો હતો.
ત્યારપછી ગઈકાલે દેવભૂમિ દ્વારકાના એસપી જયરાજસિંહ વાળાએ આ પ્રકરણની ગંભીરતા જોઈને ડીવાયએસપી વિસ્મય માનસેતાને પીઆઈ કક્ષાના અધિકારીને તપાસ સોંપવાનો હુકમ કરતા અને તપાસનીશે પગલાં ભરવાની ખાતરી આપતા મૃતદેહ સ્વીકારવામાં આવ્યો છે. આ કિસ્સામાં પોલીસને રૂ.૭ હજાર ડિજીટલ પેમેન્ટથી અપાયાનું જણાવાયું હોય તે અંગે પણ તપાસ કરાઈ રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
